Аумақтық ұйымдардың жаңалықтары

2022-2023 оқу жылының бірінші тоқсаны аяқталды. Білім саласы қызметкерлерінің арасында турнир ұйымдастырылды. Шараға «Оқу-ағарту, бюджеттік ұйымдар, ғылым және жоғары білім қызметкерлерінің «Жетісу» жергілікті кәсіподағы» ҚБ Талдықорған қалалық филиалы арқау болып, қалалық филиалдың құрамындағы білім беру мекемелерінің мұғалімдері қамтыды.

​Жарыстың алғашқы күнінде «Оқу-ағарту, бюджеттік ұйымдар, ғылым және жоғары білім қызметкерлерінің «Жетісу» жергілікті кәсіподағы» ҚБ-нің төрағасы Мэлс Төлепбергенов сөз алып, ұстаздардың еңбегін бағалап, құрметін көрсетіп, жылы лебізін білдірді.

​Ал, Талдықорған қалалық филиалдың төрағасы Айым Ерікқызы жарыстың мақсатын таныстырып, кәсіподақ мүшелерінің жұмысын жандандыру, қолдау көрсетіп, ынталандыру үшін осындай ауқымды шараларды жоспарға қосып, ұстаздардың достығын нығайту екенін баса айтып, шараны ашық деп жариялады.

​Қатысушылар сап түзеп, ҚР Гимні орындалды. Кәсіподақ мүшелері ойын түрлерінен топқа бөлініп, 2023 жылдың 30 қазан - 2 қараша күндері аралығында педагогтар Д.Рақышев атындағы қазақ мектеп-интернаты, М. Ломоносов атындағы №5 орта мектеп-лицейі, Ш.Уәлиханов атындағы № 10 орта мектеп-гимназиясы, «№12 орта мектеп-гимназиясы, №15 орта мектебінің ғимаратында «Шахмат», «Дойбы», «Шағын футбол» сынды спорт түрлерінен бақтарын сынады. Қаладағы 16 мектептен команда жасақталып, үш күн бойы спортшылар өзара мықтыларды анықтады.

Шахматтан:

І орынды Мұхтар Арын атындағы №24 мамандандырылған лицейі,

ІІ орынды Еркін ауылдық округіндегі МДШО бар №26 орта мектеп,

ІІІ орынға М.Ломоносов атындағы №5 орта мектеп-лицейі және №12 орта мектеп-гимназиясы иеленді.

Дойбыдан:

І орынды №12 орта мектеп-гимназиясы,

ІІ орынды Б.Сырттанұлы атындағы №25 орта мектебі,

ІІІ орынға Ш.Уәлиханов атындағы № 10 орта мектеп гимназиясымен №14 орта мектеп- гимназиясы жеңіп алды.

Шағын футболдан:

І орынды - №13 орта мектеп (арнаулы сыныптарымен),

ІІ орынды Құлжабай Қасымов атындағы №28 IT мектеп-лицейі,

ІІІ орынға №14 орта мектеп- гимназиясымен Б.Сырттанұлы атындағы №25 орта мектеп пен А.Макаренко атындағы №6 орта мектептері ие болды.

Жарыс жеңімпаздарына қалалық филиалдың атынан дипломдар, бағалы сыйлықтар табыс етілді.

«Оқу-ағарту, бюджеттік ұйымдар, ғылым және жоғары білім қызметкерлерінің «Жетісу» жергілікті кәсіподағы» қоғамдық бірлестігінің баспасөз қызметі