РИЗАШЫЛЫҚПЕН!
Мен, Маңғыстау ауданы Сайөтес жалпы білім беретін мектебінің биология пәнінің мұғалімі болған, зейнеткер ұстаз, еңбек ардагері Сәтінұлы Едіге Қазақстан Республикасы оқу-ағарту министрі Ғани Бектайұлы Бейсембаевқа, «Қазақстандық оқу-ағарту, ғылым және жоғары білім қызметкерлерісалалық кәсіптік одағы» қоғамдық бірлестігінің төрағасы Айгүл Мақсатқызы Мұқашеваға, Салалық кәсіподақтың Маңғыстау облыстық ұйымының төрағасы Тарбия Анайбекқызы Баймбетоваға алғысымды білдіремін.
Бүгін мені «Қазақстандық салалық білім және ғылым қызметкерлері кәсіподағының Маңғыстау облыстық ұйымы» ҚБ-ның Маңғыстау аудандық филиалының төрайымы Шугурова Айтгүл Оңғалиқызы, Өтес жалпы білім беретін мектептің басшысы Надирова Гүлсім, Өтес жалпы білім беретін мектептің бастауыш кәсіподақ ұйымының төрайымы Латипова Нұрлыгүл құттықтады.
Өзім неше жылдар ұстаздық еткен мектептің қабырғасында акт залда ұжымның, оқушылардың алдында ұйымдастырылған шарада салтанатты түрде, Оқу-ағарту министрінің Алғыс хатын тапсырған тұлғама көрсетілген ілтипат үшін көп рахмет.
Ұстаздық еңбек ардагерлерінің ұмытылмағанына, еңбегімді ауылдық, аудандық, облыстық кәсіподақ ұйымы ғана емес, Оқу-ағарту министрінің өзі де бағалағаны мені қатты тебірентті, алғысым шексіз.
Бір топ Маңғыстау ардагер ұстаздарының атынан ыстық ықыласымыз бен ризашылығымызды білдіреміз.
Сәтінұлы Едіге –еңбек ардагері, зейнеткер ұстаз.
Маңғыстау облыстық ұйымының баспасөз қызметі
-
Фото
-
