АРДАГЕРЛЕР АЛҒЫСЫ!
Мен Екібастұз қаласы білім бөлімінің, Павлодар облысы білім басқармасының "Қаныш Сәтбаев атындағы жалпы орта білім беретін мектебі" КММ педагогикалық еңбек ардагері, бастауыш сынып мұғалімі Ғаббасова Күлжиян Қаниқызымын.
Оқу-ағарту министрі Ғани Бейсембаевқа, Қазақстандық оқу-ағарту, ғылым және жоғары білім қызметкерлерінің салалық кәсіподағының төрағасы Айгүл Мақсатқызы Мұқашеваға, Павлодар облыстық ұйымының төрағасы Науразбаева Гүлбарам Әуезханқызына зор алғысымды білдіремін.
Саналы ғұмырын ұстаздыққа арнап, оқушының бойына тәрбие, білімді сіңіре білген мұғалімдердің мерейі қашанда биік. Білім бәсекесіне ілесе білген ел ғана озық болуға ұмтыла алады. Сондықтан ұстаздарға артылар жүк ауыр.
Бүгін 2023 жылдың 8 қарашасында "Қазақстан Білім және ғылым қызметкерлерінің салалық кәсіптік одағының Павлодар облыстық ұйымы" ҚБ құқықтық мәселелер жөніндегі бас маманы Гүлшат Оралқызы Жаркенова мен "Екібастұз қалалық білім қызметкерлерінің кәсіподақ ұйымының" төрағасы Алима Сағидоллақызы Рахимжанова, "Қаныш Сәтбаев атындағы ЖОББМ" КММ директорының м.а. Б.Б.Серіков, мектептің кәсіподақ комитетінің төрағасы Мухамеджанова А.К. педагогикалық еңбек ардагерлеріне құрмет көрсетіп, Білім Министрінің алғыс хатын табыстады.
Кез келген жаста, кез келген мәртебеде Алғыс айту, әсіресе бүкіл саналы өмірін мектепке арнаған, ал жүрегін балаларға берген ұстаз – бізді құрметтегені көңілімізге жылулық ұялатады.
«Ұлылықтың басында ұстаз тұрар» халық даналығында айтылғандай, расында да ұстаз тәлімін алмаған жан жоқ шығар, сірә!
Білімді ұрпақ- болашақтың кепілі десек, сол ұрпақтың бойына білім нәрін сіңіретін ұстаздар қашанда құрметке лайық!
-
Фото
-
