«АЛҒЫС АЙТУ-ПАРЫЗЫМ!»
ҚР Оқу-ағарту министрі Ғ.Бейсембаевтың лайықты демалыста жүрген ардагер ұстаздарды марапаттау жөніндегі игі бастамасы білім кәсіподақтары тарапынан қолдау тапты.
Облыстық, аудандық кәсіподақ ұйымдары барлық жерде әкімдіктермен, білім бөлімдерімен бірлесе отырып, 20-ғасырдың қиын-қыстау 90-шы жылдары, 2000-жылдардың басындағы еңбек жылдарына тап болған еліміздің бас ұстазының алғысын салтанатты жағдайда жеткізді.
Иә, олар жанқиярлық еңбектерімен, мамандыққа деген адалдығымен шәкірттерінің, ата-аналарының, әріптестерінің алғысына бөленді. Өйткені, министрдің алғысына замандастарының ілтипаты мен құрметі, адам жанының инженері атанған ұстаздарға деген құрметі жатады.
Бүгін білім бөлімінің басшысы мен аудандық білім кәсіподақ ұйымы өздеріне жүктелген абыройлы міндетті жүзеге асыруға тырысты.
Заря орта мектебінде өткен «Алғыс айту-парызым» атты салтанатты жиында Павлодар ауданының ардагерлеріне Білім министрінің Алғыс хаттары табыс етілді.
Павлодар ауданы білім бөлімінің басшысы З.Ж.Қалиева қолынан министрдің алғыс хатын алған әрбір ардагер өзі естелік пен ілтипат үшін, туған мектебімен, әріптестерімен және балаларымен кездесуге мүмкіндік бергені үшін алғысын білдірді.
Айтпақшы, шараға оқушылар мен жас ұстаздар қатысып, марапатталған ардагерлерді қуанышпен қарсы алып, ду қол шапалақтады.
Олар үшін ардагерлерді ардақтау – қай кезде де ұстаздық кәсіптің беделінің айқын үлгісі.
Ардагерлерге әкімдік өкілдерінен, Заря мектебінің директоры Г.А.Жанкариновадан ақ тілектер айтылды.
Салтанатты іс- шара мерекелік концертпен безендірілді.
Павлодар аудандық білім қызметкерлерінің кәсіподақ ұйымы
-
Фото
-
