Аумақтық ұйымдардың жаңалықтары

Даулет Серікбаев атындағы Шығыс Қазақстан техникалық университеті (ШҚТУ) - Қазақстанның базалық инженерлік жоғары оқу орыны, жаңа білім мен инновацияларды қалыптастыру орталығы биыл 65 жылдық мерейтойын атап өтуде.

Университеттің бастауыш кәсіподақ ұйымы Шығыс Қазақстан облысы білім және ғылым қызметкерлерінің жергілікті кәсіподағының құрамына кіреді. Соңғы жылдары кәсіподақ ұйымын мобильді, белсенді, креативті Шахрам Солтанбекова басқарады.Ол әлеуметтік әріптестік шеңберінде тараптардың өзара іс-қимылын нығайтып, кәсіподақ жұмысын ұйымдастыруға шығармашылықпен қарап, кәсіподақ мүшелерінің мәселесін кәсіби және тез шешеді.

2023 жылғы 23 қарашада жергілікті кәсіподақ төрағасының орынбасары Елена Крупко Д. Серікбаев атындағы ШҚТУ-ның 65 жылдығына арналған Ғылыми кеңестің кеңейтілген отырысына қатысып, ұжымды мерейтойымен құттықтап, республикалық және облыстық кәсіподақ марапаттарын табыстады.

Қазақстандық оқу-ағарту, ғылым және жоғары білім қызметкерлерінің салалық кәсіподағының «Кәсіподақ ардагері» төсбелгілерімен А. Жанабаева мен О. Николаенко, «Білім және ғылым қызметкерлерінің кәсіподағы алдындағы ерекше еңбегі үшін» төсбелгілерімен - Ш. Солтанбекова мен Б. Даумов марапатталды.

Мерейтойлық жыл студенттер мен университеттің барлық қызметкерлері үшін ерекше сәтті болсын, шығармашылық идеялар алға жылжып, жаңалықтар ашылсын, барлық жоспарлар жүзеге асырылсын! Университетке одан әрі даму мен өркендеу тілейміз!