МАРАПАТ МЕРЕЙ ӨСІРГЕЙ!
Әлеуметтік әріптестік аясында, Қарағанды облысы Бұқар жырау ауданы білім бөлімінің бас маманы Дүкенбаева Айсұлу Рымбайқызын «Қазақстандық оқу-ағарту, ғылым және жоғары білім қызметкерлері салалық кәсіптік одағы» қоғамдық бірлестігінің «Әлеуметтік әріптестікті дамытуға қосқан үлесі үшін» төсбелгісімен Бұқар жырау аудандық комитеті филиалының төрағасы Хамитова Эльвира Кәрібайқызы марапаттады.
Айсұлу Рымбайқызы отыз бес жылдан аса білім бөлім саласында қызмет етіп, кәсіподақ жұмысына елеулі үлесін қосып келе жатқан білікті маман. Айсұлу Рымбайқызы сияқты жандар әрине барлық үлкен құрмет пен жоғары марапатқа лайықты, өйткені еңбек қашан да бағалануы керек. Көп жылғы еңбегінің жемісі мен жеңісін көру – ол да бір ғанибет. Игі істерімен үлкенге де кішіге де үлгі болып жүрген Айсұлу Рымбайқызы көп жылдар бойы өз ісін адал атқарып,
әріптестеріне жан-жақты қолдау көрсете білетін кәсіподақтың белсенді мүшесі.
Айсұлу Рымбайқызы марапатыңыз құтты болсын! Сізге зор денсаулық, сарқылмас күш-қуат, еңбегіңізге жеміс, отбасыңызға аманшылық тілейміз.
Қарағанды облысы Бұқар жырау аудандық кәсіподақ комитеті
