АСТАНА ҚАЛАСЫНЫҢ БІЛІМ БЕРУ ҰЙЫМДАРЫНЫҢ БАСШЫЛАРЫ АРАСЫНДАҒЫ ПІКІРСАЙЫС ТУРНИРІ
Астана қаласы білім беру қызметкерлері Кәсіподағының төрағасы Батыр Әлиев Астана қаласы әкімдігінің «№ 43 қосымша білім беру мектебі – орталығы» ШЖҚ МКК өткізген Астана қаласының білім беру ұйымдарының басшылары арасындағы «БІЛІМДІ ҰЛТ – ЖАРҚЫН БОЛАШАҚҚА БАҒДАР» атты пікірталас турниріне қатысты.
Іс-шараның мақсаты – көшбасшының жаңа моделін қалыптастыру, педагог қызметкерлер арасында пікірталас турнирлерін дамыту.
Турнирге Астана қаласының білім беру ұйымдарының басшылары қатысты.
Турнирдің барлық кезеңі американдық парламенттік форматта өтті және үш раундтан тұрды. Бірінші және екінші раундтар-іріктеу, ал үшіншісі - финалдық ойындар.
Елордалық білім беру ұйымдарының басшылары өздерінің көшбасшылық қасиеттерін көрсетті.
Іс-шараның қорытынды бөлімінде Батыр Әлиев жеңімпаздарды кубоктармен және бағалы сыйлықтармен марапаттады.
-
Фото
-
