«АСТАНА ҚАЛАСЫНЫҢ ҮЗДІК ЖАС ПЕДАГОГЫ-2023» ЖЫЛ САЙЫНҒЫ БАЙҚАУЫ ҚОРЫТЫНДЫЛАНДЫ
Астана қаласының білім беру қызметкерлері Кәсіподағы мен Астана қаласы әкімдігінің Әдістемелік орталығы бірлесе өткізген «Астана қаласының үздік жас педагогы-2023» жыл сайынғы байқауы қорытындыланды.
Байқаудың мақсаты — педагог мәртебесін арттыру, білім қызметкерлерінің әлеуметтік-экономикалық және еңбек құқықтары мен мүдделерін қорғау жөніндегі Кәсіподақтың қоғамдағы рөлін арттыру, педагогикалық кәсіптің маңыздылығы мен беделін арттыру, жас педагогтардың шығармашылық қырын ашу, тәжірибе алмасуға жағдай жасау және педагогикалық бастамаларды дамытуға ықпал ету.
Байқауға Астана қаласының білім беру ұйымдарынан 100-ге жуық жас педагог қатысты.
Байқауға қатысушылар білім беру саласына жаңалықтар енгізу, жас педагогтарды ынталандыру, кәсіподақ жұмысының тиімділігі туралы эссе жазды. Сонымен қатар қатысушылар өз пәні бойынша жаңартылған әдіспен сабақ үйрету барысын бейнежазбаға түсіріп, ұсынды.
Іс-шарада Астана қаласының білім беру қызметкерлері кәсіподағының төрағасы Батыр Алиев байқаудың жоғары деңгейде өткенін және жас педагогтардың белсенді қатысқанын атап өтті.
Сондай-ақ, байқау жеңімпаздарының дипломдары аттестаттау кезінде педагогтың жетістіктері ретінде ескерілетінін атап өтті.
Сөз соңында байқауға белсенді қатысқан жас педагогтарға алғысын білдірді. Жұмыстарына сәттілік тілей отырып байқау нәтижесін жариялады.
Байқау қорытындысы:
I орын – Искакова Еркежан Нурлановна, «Астана қаласы әкімдігінің Міржақып Дулатұлы атындағы №68 мектеп-гимназиясы» КММ информатика пәнінің мұғалімі.
II орын – Тайсенгир Гүлмира Жаксыбайқызы, «Астана қаласы әкімдігінің №31 мектеп-гимназиясы» ШЖҚ МКК математика мұғалімі.
II орын – Ырыскелді Бақытжан Айболұлы, «Астана қаласы әкімдігінің №93 мектеп-лицейі» ШЖҚ МКК физика пәнінің мұғалімі.
III орын – Лесбай Әлімхан Нурболатұлы, «Астана қаласы әкімдігінің №42 орта мектебі» КММ музыка пәнінің мұғалімі.
III орын – Наурызбаева Гаухар Бакбергеновна, «Астана қаласы әкімдігінің №3 арнайы мектебі» КММ дефектолог – логопед.
III орын – Ахметова Динара Артуровна, «Астана қаласы әкімдігінің Талғат Бигелдинов атындағы №1 мектеп-лицейі» ШҚК МКК биология пәнінің мұғалімі.
Белсенді қатысқан жас педагогтарға Байқау Ережесіне сәйкес келесі номинациялар табысталды:
«Үздік эссе» номинациясы – Жарбосина Махаббат Наурызбайқызы, «Астана қаласы әкімдігінің №18 орта мектебі» ШЖҚ МКК қазақ тілі мен әдебиеті пәнінің мұғалімі;
«Үздік бейнеролик» номинациясы – Мухатаева Айгерим Есентаевна, «Астана қаласы әкімдігінің Сырбай Мәуленов атындағы № 37 мектеп-лицейі» ШЖҚ МКК химия пәнінің мұғалімі;
«Креативті педагог» номинациясы – Исина Ризагуль Мухамедовна, «Астана қаласы әкімдігінің №72 мектеп-лицейі» ШЖҚ МКК көркем еңбек мұғалімі;
«Белсенді қатысушы» номинациясы – Жакупова Меруерт Амановна, «Астана қаласы әкімдігінің №2 психологиялық-педагогикалық түзету кабинеті» КММ психологы;
«Белсенді қатысушы» номинациясы – Қуанышбаева Алуа Қанатқызы, «Астана қаласы әкімдігінің №76 «Әдемі» балабақшасы» МКҚК тәрбиешісі.
