КӘСІБИ ДАМУ ИНСТИТУТЫНА 75 ЖЫЛ!
2023 жылдың 12 желтоқсанында тарихы мен тағылымы мол «Өрлеу» БАҰО АҚ филиалы Шығыс Қазақстан облысы бойынша Кәсіби даму институты 75 жылдық мерейтойын атап өтті.
Білім ордасы дамытудың 75 жылдығы – облыс мұғалімдерінің білім беру тәжірибесінде жаңа жолдарды іздестіру, жаңарту, қарқындап алға жылжу тарихы аймақ педагогтарының бәсекеге қабілеттілігін арттырды. Бұл құнды тәжірибе, еңбекпен жинақталған бедел, сенімді серіктестер және көптеген іске асырылған жобалар.Олардың әрқайсысында өздерінің кәсіби шеберлігін, білімі мен дағдыларын жұмсай білген адамдар тұр.
Әлеуметтік әріптестік аясында институт пен Шығыс Қазақстан облысы жергілікті кәсіподағы арасында көп жылғы сындарлы ынтымақтастық қалыптасқан. Аталған шараға жергілікті кәсіподақ ұйымының құқықтық мәселелер жөніндегі бас маман И.Соколов қатысып, ұжымды мерейтойымен құттықтады және Қазақстандық оқу-ағарту, ғылым және жоғары білім қызметкерлерінің салалық кәсіподағының төрағасы А.Мұқашева мен Шығыс Қазақстан облысы жергілікті білім және ғылым қызметкерлерінің кәсіподағы төрағасы Н.Касенованың құттықтау хаттары мен сертификаттарын тапсырып, институт қызметкерлеріне республикалық және облыстық кәсіподақ марапаттарын табыстады.
Бүгінгі тарихи белестеріңіз бен бедел биігін бағындырып отырған ШҚО «Өрлеу» институтына алдағы уақытта да білім саласындағы кәсіби даму көшінің алдынғы легінен жарқырауға тілектестігімізді білдіреміз!
-
Фото
-
