ТЕХНИКАЛЫҚ ЖӘНЕ КӘСІПТІК БІЛІМ БЕРУ ҰЙЫМДАРЫНЫҢ БАСШЫЛАРЫ МАРАПАТТАЛДЫ
Астанада техникалық және кәсіптік білім беру ұйымдарының басшыларына арналған «Техникалық және кәсіптік білім беруді дамыту және стратегиялық міндеттер» тақырыбында республикалық форум өтті. Шараға Оқу-ағарту министрі Ғани Бейсембаев арнайы қатысты.
Форумға колледж директорлары мен олардың орынбасарлары, білім басқармалары басшыларының орынбасарлары, техникалық және кәсіптік білім беру ұйымдарының басшылары қатысты.
Республикалық форумда озық үлгілі колледждердің директорлары кірістілікті арттыру және инфрақұрылымды жақсарту мәселелері бойынша әлеуметтік серіктестерді тарту жөніндегі өз тәжірибелерімен бөлісті.
Форум соңында үздік мамандар ведомстволық наградалармен және құрмет грамоталарымен марапатталды. Олардың қатарында ақтөбеліктер де бар. Салтанатты шарада Ақтөбе өнеркәсіптік технологиялар колледжінің директоры Таңжарық Қыдырбаевқа, Ш.Берсиев атындағы Ақтөбе Жоғары аграрлық-техникалық колледжі директорының оқу-ісі жөніндегі орынбасары Алтынгүл Мұқановаға және Қобда көпсалалы колледжінің директоры Болат Алтаевқа “Техникалық және кәсіптік білім беру ісінің үздігі” құрмет дипломы табысталды. Ал, Жайсаң көпсалалы колледжінің директоры Айбек Қожақов пен Шалқар аграрлық-техникалық колледжі директорының өндірістік оқу жұмысы жөніндегі орынбасары Қуанышбай Қосбармақов Оқу-ағарту министрінің Құрмет грамотасымен марапатталды.
Үздіктер қатарынан көрінген барлық кәсіподақ мүшелерін лайықты марапаттарымен құттықтаймыз!
-
Фото
-
