Аумақтық ұйымдардың жаңалықтары

Ағымдағы жылдың 16 қаңтар күні Х.Өзбекғалиев атындағы Маңғыстау жоғары политехникалық колледжінің акт залында кезекті №3 Педагогикалық кеңес отырысы өтті. Кеңеске колледж ұжымы, колледждің бастауыш кәсіподақ ұйымының төрайымы, «Қазақстандық оқу-ағарту, ғылым және жоғары білім қызметкерлерінің кәсіптік одағының Маңғыстау облыстық ұйымы» ҚБ төрайымы Тәрбия Анайбекқызы Байымбетова және Білім берудің облыстық оқу-әдістемлік орталығының техникалық және кәсіптік білім бөлімінің жетекшісі – Жарылғасова Құралай Кендебайқызы қатысты.

Күн тәртібінде: 2023 жылғы жұмыс қорытындысы, Кәсіподақ ұйымының жылдық жұмысы туралы есебі; 2023-2024 оқу жылының І семестрі бойынша сынақ-емтихан қорытындысының есептері тыңдалды.

Колледждің оқу-тәрбие процесін ұйымдастыруда білім алушылардың құзіретті картасын қалыптастыру бойынша атқарылған жұмыстартуралы; Worldskills-2024 (Ворлдскиллс) қозғалысын ұйымдастыру туралы; ҰББДҚ/ НОБД жүйесіне байланысты жұмыстардың жүргізілуі туралы және⁠ Педагог этикасы туралы мәселер қаралып, талқыланды.

Сұрақтар қойылып жауаптар алынды. Сондай-ақ, «Қазақстандық оқу-ағарту, ғылым және жоғары білім қызметкерлерінің кәсіптік одағының Маңғыстау облыстық ұйымы» ҚБ төрайымы Тәрбия Анайбекқызы Байымбетова колледж ұжымына Маңғыстау облысының білім беру ұйымдарындағы кәсіподақ мүшелері үшін 2023-2026 жылдарға арналған Әлеуметтік әріптестік туралы облыстық Келісімде көзделген қосымшалар туралы ақпарат берді.

«Қазақстандық оқу-ағарту, ғылым және жоғары білім қызметкерлері салалық кәсіподағының Маңғыстау облыстық ұйымы» ҚБ