ДӘСТҮРЛІ «ДЕНСАУЛЫҚ» СПАРТАКИАДАСЫ ӨЗ МӘРЕСІНЕ ЖЕТТІ
М.Өтемісов атындағы Батыс Қазақстан университетінде профессор-оқытушылар құрамы мен қызметкерлер арасындағы дәстүрлі 66-шы «Денсаулық» спартакиадасы өткізілді. 1957 жылдан бері дәстүрлі түрде өткізіліп келе жатқан аталмыш спорттық сайыста профессор-оқытушылар мен қызметкерлер өзара күш сынасып, мықтыларды анықтады. Биылғы спорттық додаға университет факультеттері мен құрылымдық бөлімшелерден құралған 9 команда қатысып, спорттың волейбол, шағын футбол, шахмат, дойбы, үстел теннисі, дартс, эстафета секілді 7 түрінен сайысқа түсті.
Тартысқа толы додада жалпы командалық есепте жүлделі ІІІ орынға шаруашылық қызметінің құрамасы, ІІ орынға тарих, экономика және құқық факультетінің құрамасы, І орынға педагогика факультетінің құрамасы иеленсе, ең бастысы, 66-шы «Денсаулық» спартакиадасының Бас жүлдесін физика-математика факультеті иеленді.
Жеңімпаз командалар дипломдармен және университеттің бастауыш кәсіподақ ұйымының бағалы сыйлықтарымен марапатталды. Сондай-ақ, әр спорт түрі бойынша үздіктер анықталып, марапатталды.
Спартакиаданың жабылу салтанатынан соң табиғат аясында профессор-оқытушылар мен қызметкерлер үшін шаңғы жорығы ұйымдастырылды.
-
Фото
-
