ШЫҒЫСТА ШАҢҒЫ ЖАРЫСЫ ӨТТІ
Шығыс Қазақстан облысы білім беру қызметкерлерінің Тарбағатай ауданы «Ақжар» кәсіподақ ұйымының ұйымдастыруымен Салалық кәсіподақтың 100 жылдығына арналған «Шаңғы – 2024» жарысы өз мәресіне жетті.
Кәсіподақ мүшелерінің арасында өткізілген сында жиыны 21 білім саласындағы мекемеден 147 кәсіподақ мүшесі қатысты.
«Жүзден жүйрік» демекші бөлінген әр жас бойынша тиісінше 20-29 жас, әйелдер арасында: Қасымова Асем, Көкенова Айгерім, Жетпісова Ұлжан; ерлер бәсекесінде Әділханов Тілеужан, Дүйсенбеков Елжан, Жетпісов Сейіл.
30-37 жас, әйелдер арасында: Исанова Дана, Заманқанова Асылжан, Қайдарбек Жансая; ерлер арасында Халықов Медет, Слямбеков Естай, Қасенов Ермек, Мейрамғазинов Еркебұлан.38-44 жас, әйелдер арасында: Дүйсенбаева Әсел, Ахметжанова Айжан, Сабырбаева Тоғжан; ерлерден Оразаев Думан, Мухаметжанов Ринат, Тоқтасынов Ерік. 45-49 жас, әйелдер арасында: Заманбекова Ғалия, Құманова Роза, Амирғазина Аяжан; ерлер арасында Бейжанов Азамат, Қожаев Бақытжан, Қанафин Ербол.50 жастан жоғары әйелдер арасында Қыдырханова Ляззат, Канапиянова Жанна, Алимсейтова Гүлжанат; ерлерден Оразаев Ерлан, Хасенов Дәулет, Искаков Ермек. Кәсіподақ мүшелері тиісінше 1-3 орындарды бөлісіп кәсіподақ тарапынан қаржылай сыйлыққа ие болды.Жүлдегерлер қатарынан көрініп
4-5 орыннан көрінгендерге қосымша сый-сияпат көрсетілді.
Атқару комитетінің мүшесі спорт бөлімінің жетекшісі Қалиев Төлеуханға және төреші қызметін атқарған «Абай орта мектебі» КММ дене шынықтыру пәнінің мұғалімдері Ақшалова Айгерім, Бақтияров Ерланға алғыс білдірілді. Осы шараның өтуіне атсалысқан әлеуметтік әріптес Абай атындағы орта мектебінің директоры Акибаева Назым алғыс хатпен марапатталды.
Аудандық спартакиада аясындағы сында жарысқа қатысушы командалар ұпай алып қоржындарын толықтыра түсті.
Жыл сайын жарыстың аясы кеңейіп, қатысушылар саны артып келеді. Әсіресе, мектеп басшыларының, кәсіподақ төрағаларының командасымен бірге сынға түсуі қуанта түсті. Сонымен қатар, шағын жинақты мектептердің де биыл көптеп бой көрсетіп жүлделі орындардан көрінуі шаңғы спортына қызығушылық танытып, дамыта түскендігін байқатады. Биыл қар түспеген Асусай, Жаңаталап, Б.Момышұлы сынды мектептердің қатысып жүлдеден көрінуі жарыстың тартысты өткендігін аңғарта түсті. Алдағы таңда бұл сынға қатысушылардың ой пікірлерін ескере отырып жас ерекшеліктерін бөлуді қарастырмақпыз.
Қыстың қызығы қарда демекші, қыстың соңғы айында кәсіподақ мүшелері қыр басында бас қосып шаңғы теуіп, көңілді тарқасты.
-
Фото
-
