ЖЕҢІМПАЗДАР - КӘСІПОДАҚ МҮШЕЛЕРІ
Астана қаласында бастауыш сынып мұғалімдеріне арналған «Алтын тұғыр» республикалық олимпиадасының қорытынды кезеңі өтті. Олимпиада екі күнге созылды. Олимпиадаға облыстық іріктеу кезеңінің жеңімпаздары, барлығы 163 педагог қатысты, оның 62-і ауыл мектептерінің мұғалімдері.
Олимпиаданың негізгі мақсаты педагогтардың кәсіби құзыреттілігін арттыру және мұғалім тұлғасының шығармашылық әлеуетін дамытуға бағдарланған.
Мұғалімдерге ұсынылған тапсырмалар жинағы бастауыш сынып бағдарламаларын негізге ала отырып авторлық және логикалық есептерден құралған.
Олимпиада қорытындысы бойынша барлық қатысушыларға сертификаттар, жеңімпаздар мен жүлдегерлерге «Дарын» республикалық ғылыми-практикалық орталығының І, ІІ, ІІІ дәрежелі дипломдары және грамоталары табысталды.
Жеңімпаздар қатарында кәсіподақ мүшелері - Шалқар ауданы Қарашоқат орта мектебінің бастауыш сынып мұғалімі Перизат Тәңірбергенова ІІ орынға, Шалқар ауданы Б.Сүлейменов атындағы орта мектебінің бастауыш сынып мұғалімі Зибагүл Татыбаева ІІІ орынға ие болды.
Марапаттарыңыз құтты болсын!
-
Фото
-
