ОРАЛДА VI «ДЕНСАУЛЫҚ» СПАРТАКИАДАСЫ ӨТТІ
БҚО білім саласының Орал қалалық кәсіподақ комитеті – Филиалының ұйымдастыруымен облыстық «Денсаулық – 2024» спартакиадасына қатысу үшін Орал қалалық білім беру ұйымдарының кәсіподақ мүшелері арасында Қазақстандық оқу-ағарту, ғылым және жоғары білім қызметкерлері салалық кәсіподағының 100 жылдығына орай VІ «Денсаулық» спартакиадасы өткізілді.
Шараның мақсаты: кәсіподақ ұйымдарының жұмысын жетілдіру және бірлігін нығайту, білім және ғылым қызметкерлері арасында салауатты өмір салтын насихаттау.
Спартакиаданы Батыс Қазақстан облыстық оқу-ағарту, ғылым және жоғары білім қызметкерлері кәсіподағының бас маман ұйымдастырушысы Марина Темірғалиева ашып, жарысқа қатысушы спортшыларға сәттілік тілеп, арнайы шақырылған әлеуметтік әріптестерге алғысын білдірді.
Орал қалалық білім беру бөлімінің басшысының орынбасары Индира Әміртаева және Орал қаласының дене шынықтыру және спорт бөлімінің басшысы Армат Исанов жарысқа қатысушы құрама командаларға сәттілік тілеп, кәсіподақ тек қана еңбеккерлердің әлеуметтік – экономикалық және еңбек құқықтарын қорғаумен ғана шектелмей, өзара салауатты өмір салтын насихаттауға да қолдау көрсетіп, спартакиаданың осымен алтыншы жыл қатарынан ұйымдастырылып отырғаны туралыөз ойларымен бөлісті.
Спартакиадада қалалық білім беру мекемелерінен 39 құрама командадан барлығы 400 – ден аса кәсіподақ мүшесі волейбол және үстел теннис ойындарынан бақ сынасты. Ептілікті сынға салған сәтте бірі жеңіп жатса, екіншісі жеңіліп жатады. Осы орайда жиналған спортшыларымыз өздерінің үлкен дайындықпен келгендерін байқатты.
Білікті төрешілердің саралауы бойынша спортшылар арасынан үздік ойыншылар да таңдалып, жеңімпаз командалар анықталды.
Екі күнге созылған жарыстаекі аймақ бойынша командалық жалпы есеппен жеңіске жеткен құрама командалар:
1 - орын иеленгендер: қалалық №21жалпы орта білім беретін мектебі және Қ.Мырза Әлі атындағы №47жалпы орта білім беретін мектебі мектебі;
2 - орын иеленгендер: А.Тайманов атындағы №34 мектеп – гимназиясы, №9 жалпы орта білім беретін мектебі мектебі, Б.Момышұлы атындағы №46 жалпы орта білім беретін мектебі мектебі және № 37 жалпы орта білім беретін мектебі мектебі;
3 - орын иеленгендер: №4 қосымша білім беретін мектебі, №24 жалпы орта білім беретін мектебі, Оқушылар сарайы, №19 жалпы орта білім беретін мектебі, А.Байтұрсынов атындағы №10 жалпы орта білім беретін мектебі, №23 жалпы орта білім беретін мектебі және №25 жалпы орта білім беретін мектебі.
Орал қалалық кәсіподақ комитеті – филиалының төрағасы Төлеген Темешев – Еліміздің тұрақтылығы мен жарқын болашағы үшін жас ұрпаққа сапалы білім беруде олардың еліне деген құрметі мен патриоттық сезімін, болашаққа деген нық сенімін қалыптастыруды мақсат ететінін және кәсіподақ күші мен болашағы бірлікте екені туралы жалынды сөздерімен спорттық – бұқаралық көпшілік шараны қорытындылады.
Жарыстың жеңімпаздарына кәсіподақ тарапынан дипломдармен арнайы кубоктар табысталып, бағалы сыйлықтар берілді.
БҚО ОРАЛ ҚАЛАЛЫҚ КӘСІПОДАҚ
КОМИТЕТІ – ФИЛИАЛЫ
-
Фото
-
