АҚТӨБЕДЕ ФИЗИКА ПӘНІНІҢ МҰҒАЛІМДЕРІ БАҚ СЫНАСТЫ
Ақтөбеде №4 Мәртөк жалпы орта білім беретін мектебінің базасында физика пәні мұғалімдерінің арасында облыстық педагогикалық байқауының аудандық кезеңі өтті. Байқау Мәртөк аудандық білім қызметкерлері кәсіподақ ұйымының қолдауымен өткізілді.
Байқаудың мақсаты - шығармашылықпен жұмыс жасайтын педагогтерді анықтау, қолдау және марапаттау; мұғалім мамандығының қоғамдағы алатын орнын, кәсіби шеберлігін таныту; өзара бәсекелестікті қалыптастыру.
Байқауға жалпы білім беретін мектептерде жұмыс жасайтын 12 физика пәнінің мұғалімдері қатысты.
Байқау тест тапсырмалар мен олимпиадалық тапсырмалар бойынша екі турдан тұрды.
Жарыс нәтижесінде жүлделі І орынды №2 Мәртөк мектеп гимназиясының мұғалімі Мұхит Хасен, ІІ орынды Родниковка жалпы орта білім беретін мектептің мұғалімі Биғайша Тәжібаева, ІІІ орынды №4 Мәртөк жалпы орта білім беретін мектептің мұғалімі Қуаныш Абдалов иеленді.
Мәртөк аудандық білім қызметкерлері кәсіподақ ұйымының атынан байқау жеңімпаздары дипломдармен және бағалы сыйлықтармен, барлық қатысушылар алғыс хаттармен марапатталады.
Жеңімпаз атанған І, ІІ орын иегерлері облыстық кезеңге жолдама алды.
-
Фото
-
