ЖАДЫҢДА ҚАЛАР ЖАҚСЫ АДАМ
Ел жақсысын еске алу – ұлтымыздың ұлы істерінің бірі. Халқымыз қашанда бұл фәниден өткен аяулы ұл-қыздарын ардақтап, жалпы адамзат баласы алдында қастерлеп ұстаудың алар мәртебесі зор. Ия, адам өз өмірінің өлшемелі – өмір сүрген күндерімен, жылдарымен емес, ғұмырындағы тірлігімен, елге тигізген пайдасымен, өнегелі істерімен өшпейтіні анық.
Ұстаз едің, жүректерді гүл еткен,
Адалдықты жүректерде түлеткен.
Сенің биік рухыңа бас иіп,
Еске аламыз сағынышты жүрекпен, – деп басталған бұл шара ҚР білім беру ісінің Құрметті қызметкері, Махамбет ауданы білім саласы кәсіподақ ұйымының көшбасшысы Индира Нұрланқызы Алмурзинаға арналды.
И.Алмурзинаның өмір жолы, рухани жан дүниесінің байлығы, адамға деген мейірімі ерекше болатын. Саналы бар ғұмырын ұрпақ тәрбиесіне арнаған жан. Ұзақ еңбек жолында ауданның мектептерінде, аудандық білім беру бөлімінде абыройлы қызмет етті.
Жиналыстың алғашқы ашылу салтанатты рәсімінде «Атырау облысы білім және ғылым қызметкерлерінің кәсіптік одағы» қоғамдық бірлестігінің төрағасы Қылышбай Сүндетұлы, Махамбет аудандық білім беру бөлімінің басшысы Венера Қабышева, ардагер ұстаз Меллат Бекімова, Қ.Ахмедияров атындағы орта мектептің директоры Серік Қойбақов, әріптестері Зарипа Қожырақова, Жұмагелді Жаңбиров, аудандық салалық кәсіподақ төрағасы Торғын Берғарина және отбасы мүшелері сөз сөйледі. Сондай-ақ, кездесуге жиналғандар назарына оның өмірі мен еңбек жолына арнаған бейнебаян ұсынылды.
Шара барысында облыстық салалық ұйымның басшысы Қылышбай Сүндетұлы бір топ ұстаздар мен кәсіподақ жетекшілеріне Алғыс хаттар, облыстық ардагерлер ұйымы атынан ардагер ұстаз Қазбек Сатқанбаевқа «Тәлімгер» медалін табыс етті.
Жиын соңы мектеп мұғалімдері мен оқушыларының мерекелік концертіне ұласты.
Атырау облысы білім және ғылым қызметкерлерінің кәсіптік одағы» ҚБ баспасөз қызметі
-
Фото
-
