КӘСІПОДАҚ КӨШБАСШЫСЫ
Ұстаздық жолда еңбек етіп келе жатқан еңбегі өлшеусіз жандар қаншама. Солардың бірегейі үндемей жүріп анық басатын Мағзиев Қанат Задаханұлы екені рас. Болмысындағы қарапайымдылығы болар, жеткен жетістіктерін ауыз толтырып ортада айтқан емес. Қиындығы мен қуанышын қатар алып жүрген сыр бермес сырбаз жан. Жұмысына беріле отырып жауапкершілігін сезіне білетін алдынғы қатарлы ұстаз.
Қанат Задаханұлы Шығыс Қазақстан облысы Тарбағатай ауданы Ақмектеп ауылында дүниеге келген. Мектеп бітірген сон Шығыс Қазақстан мемлекеттік университетінің «Қазақ тілі мен әдебиеті» мамандығы бойынша және Шығыс Қазақстан гуманитарлық колледжінің «Негізгі мектептің технология» мұғалімі мамандығын алып шығады.
Еңбек жолын бастағаннан «Ақмектеп орта мектебі» КММ әлеуметтік педагог және көркем еңбек пәнінің мұғаліміболып қызмет атқарып келеді.
«Кәсіподақ –ұжымның берекесі» десек, Қанат Задаханұлы көп жылдар бойы мектепте бастауыш кәсіподақ төрағасы болып жұмысты адал атқарып келеді. Кәсіподақ жұмысының жауапкершілігін түйсіне отырып, қарапайым еңбек адамының құқығы мен мүдделерін қорғау жолындағы жұмысын асықпай жүріп анық баса отырып абыроймен атқарып жүр. Кәсіподақ төрағасы ретінде сайланып ұжымның сенім мүддесінен шығып келе жатқандығына 23 жыл болған. Осы жылдар ішінде қаншама марапаттарға ие болып, сайыстарға қатысты.Сонымен қатар, Ақмектеп сайлау учаскесінің төрағасы.
Сабырлық пен салмақтылыққасиеті өзіне тән ерекшелік. Жұмысына деген жауапкершілігі зор. Әр істі байыбына барып ойланып, қиын істі асықпай жүріп қиыстырып шешетін қасиеті өзгеге ұқсамайтын даралық.Асықпай жүріп анық басатын жан.
-
Фото
-
