Аумақтық ұйымдардың жаңалықтары

Аягөз аудандық кәсіподақ комитетінің есеп беру-сайлау жиналысы өтті. Есепті кезең 2019 жылдан 2023 жылға дейін 5 жылды қамтыды. Кәсіподақтардың негізгі міндеті-кәсіподақ мүшелерінің кәсіби, әлеуметтік-еңбек және олармен байланысты экономикалық мүдделері мен құқықтарын қорғау.

Аудандық кәсіподақ комитетінің 2019-2023 жж аралығындағы атқарылған жұмысы туралы Қазақстандық оқу-ағарту ғылым және білім қызметкерлерінің салалық кәсіптік одағының Абай облысының кәсіподақ ұйымы қоғамдық бірлестігінің «Аягөз аудандық комитеті» филиалының төрайымы Ещанова Сауле Мұқанқызы сөз алып, атқарған жұмысы бойынша есеп берді.

Сәуле Мұқанқызы өз есебінде 5-жылда жасаған жұмыстарына толығымен мағлұмат берді. Атап айтқанда қызметкерлер мен олардың балаларын сауықтыру, ұжымдық келісім- шарт жасасу,марапаттау және мәдени іс-шараларды ұйымдастыру мәселелеріне жан-жақты тоқталды.Қала,аудан мекемелерімен ауқымды жұмыс жасалғанын,жаңадан бірнеше білім мекемелері мен бала-бақша ашылып,осыған орай нормативтік- құқықтық құжаттар рәсімделіп, жұмыс жоспары бойынша жұмыс жүріп жатқаны туралы айтылды.

Келесі аудандық ревизиялық-бақылау комиссиясының 2019-2023 жж жұмысы туралы «К.Бозтаев атындағы қазақ мектеп-гимназиясы» бастауыш кәсіподақ ұйымының төрағасы Аманова Махаббат Асанқызы есеп берді.Махаббат Асанқызы өз есебінде кәсіптік одақтардың негізгі бағыттары: ұжымдық шарттың жобасын әзірлеу, оны жасасу, өзгерту, толықтыру бойынша жұмыс берушімен келіссөздер енгізу және оның орындалуын бақылау жұмыстарына тоқталып өтті. Презентацияда мәдени-бұқаралық, ағартушылық, сауықтыру жұмыстарын ұйымдастыру, қызметкерлердің демалысын ұйымдастыру бойынша іс-шаралар өткізу туралы материалдар ұсынылды.

Жиында кәсіподақ мүшелерін қолдау үшін қаражатты пайдалануды қоса алғанда, кәсіподақтың қаржылық қызметі туралы есебі тыңдалып, аудандық атқару комитетінің құрамысайланды.Жиынның күнтәртібінесәйкес кәсіподақ Жарғысы негізінде Аягөз аудандық білім қызметкелері кәсіподақ комитетіне төрағалыққа Казангапова Дарига Муратовна сайланды. Ревизиялық комиссиясының құрамы менАягөз аудандық кәсіподақ Кеңесі де жаңадан құрылды. (барлық білім мекемелерінің төрағалары мен төрайымдары құрамына кірді).Абай облысының оқу-ағарту, ғылым және білім қызметкерлерінің кәсіподақ ұйымның кезекті ХХХІV делегаттар сайлауына қатысатын тізім ұсынылды.Осы уақыт ішінде кәсіподақ қозғалысы жоғары нәтижелерге қол жеткізіп, бүгінде Кәсіподақтар федерациясы мен ел басшылығы тарапынан жоғары бағаға ие болды деп сөзін жүйелі бастаған Аягөз аудандық білім бөлімінің басшысы Азимбаев Нүрғали Тлеккалиұлы құттықтау сөзімен аяқтады. Салтанатты жиын кәсіподақ мүшелерін марапаттау рәсімімен жалғасты.

Облыстық кәсіподақ ұйымы еңбегімен ерекшеленген кәсіподақ көшбасшылары мен белсенділерін «Еңбек ардагері», «Білім және ғылым қызметкерлерінің кәсіподағына сіңірген еңбегі үшін», «Белсеңді әлеуметтік әріптес»медальдарымен марапаттады.

Абай облысының кәсіподақ ұйымы