ӘЛЕУМЕТТІК ӘРІПТЕСТЕР АРАСЫНДАҒЫ БАЙҚАУ
Абай облыстық инновациялық-әдістемелік орталығының 2024 жылғы жоспарына сәйкес 5 сәуір күні «Табысты менеджер» облыстық конкурсы өтті.
Конкурстың мақсаты - орта білім беру ұйымдары басшыларының көшбасшылық әлеуетін анықтау, қолдау және облыстағы білім беру ұйымының озық инновациялық менеджментін насихаттау.
Конкурстың ұйымдастырушысы облыстық инновациялық-әдістемелік ортылығы, ал демеушісі ретінде «Қазақстандық оқу-ағарту,ғылым және жоғары білім қызметкерлерінің салалық кәсіптік одағының Абай облысының кәсіподақ ұйымы» қоғамдық бірлестігі болды. Әділқазылар алқасының құрамында облыстық инновациялық-әдістемелік ортылығының әдіскерлері және Абай облысының кәсіподақ ұйымының төрағасы Ибраев Сабит Молдатьянович болды.
Конкурс екі кезеңде өткізілді.
11 қатысушы «Білім беру менеджментіндегі менің инновациям» бөлімінде басқару жүйесіндегі жобаларын TEDx форматында қорғап, «Табыс формуласы» кейсін шешуде өз тәжірибесінен тиімді басқару шешімдерін, педагогикалық ұжыммен сындарлы өзара әрекеттесуде кәсіби құзыреттіліктерін көрсетті.
Әділқазылар алқасы басшының жобаны таныстыру мәдениетіне, идеяның бірегейлігі мен мазмұнына, практикалық маңыздылығына аса мән берді.
Конкурс нәтижесі бойынша Үржар ауданы білім бөлімінің «Жансүгіров атындағы орта мектебі» КММ директоры– А.Ахметова - І орын, Семей қаласы білім бөлімінің «№15 ЖОББМ» КММ директоры –Қ.Абылқасымов, Аягөз ауданы білім бөлімінің «Қалалық көпбейінді қазақ мектеп-гимназиясы» КММ директоры- А.Қанапьянова - ІІ орын, Жарма ауданы білім бөлімінің «Ақтайлақ би атындағы орта мектебі» КММ директоры – Е.Қанапьянов, Бородулиха ауданы білім бөлімінің «Жезкент кентінің мектеп-лицейі» КММ директоры - Г.Әпенова- ІІІ орындарды иеленді.
Номинацияларға:
Жаңашыл басшы - Аягөз ауданы білім бөлімінің «№8 жалпы білім беретін орта мектебі» КММ - А.Шумеева;
Білікті басшы - Жарма ауданы білім бөлімінің «Т.Хасенұлы атындағы орта мектебі» КММ - Е.Әшірбаев ;
Табысты басшы - Абай ауданы білім бөлімінің «Ш.Тоқжігітов атындағы орта мектебі» КММ - Е.Ақбергенов;
Шығармашыл басшы - Ақсуат ауданы білім бөлімінің «Ғ.Мұратбаев атындағы орта мектебі» КММ - Б.Жүнісова;
Үздік көшбасшы - Бородулиха ауданы білім бөлімінің «Новопокровка орта мектебі» КММ - А.Мұқанов иеленді.
Жүлдегерлерге әдістемелік орталықтың І, ІІ, ІІІ дәрежелі дипломдары және Абай облысының оқу-ағарту,ғылым және жоғары білім қызметкерлерінің кәсіподақ ұйымының қолдауымен І орынға санаторийге жолдама, ІІ орынға Алакөл демалыс орнына жолдама, ІІІ орынға ақшалай сыйақы табысталды.
Бұл байқау облысымызда жыл сайын өткізілмек.
Абай облысының кәсіподақ ұйымы
-
Фото
-
