ҒЫЛЫМ ҚЫЗМЕТКЕРЛЕРІ КҮНІ АТАЛЫП ӨТТІ
Ағымдағы жылдың 12 сәуір - Ғылым қызметкерлері күніне және академик Қаныш Сәтбаевтың 125 жылдық мерейтойына орай М.Өтемісов атындағы Батыс Қазақстан университетінде профессор-оқытушылар құрамы мен білім алушылардың 81-ші халықаралық ғылыми-тәжірибелік конференциясы өтті.
Конференция аясында университеттің бірқатар ғалымдары «Ғылымды дамытуға сіңірген еңбегі үшін» төсбелгісімен, Қазақстан Республикасы Ғылым және жоғары білім министрлігінің Құрмет грамоталарымен, Алғыс хаттарымен, «Қазақстандық оқу-ағарту, ғылым және жоғары білім қызметкерлері салалық кәсіптік одағының Батыс Қазақстан облыстық ұйымы» қоғамдық бірлестігі мен университет ректоратының Алғыс хаттарымен және Құрмет грамотасымен марапатталды.
Конференция барысында ғылыми баяндамалар жасалып, конференция жұмысы секциялық отырыстармен жалғасты. Еңбектері еленіп, марапатқа ие болған барша әріптестерімізді құттықтаймыз!
-
Фото
-
