ЖАС КӘСІПОДАҚ КӨШБАСШЫСЫ
Кәсіподақ жұмысы білім ұйымдарындағы бастауыш кәсіподақ төрағаларымен тығыз байланысты. Мәселелері, атқарған жұмыстары, көптеген басқа бағыттары бойынша сан салаға бөлініп кете береді. Кәсіподақ төрағалары ішінде жас бастауыш кәсіподақ төрағаларының жұмысын ширату басты міндетіміз.
«Жас келсе – іске» демекші, Шығыс Қазақстан облысы Тарбағатай ауданы «Асусай мектеп-балабақша кешені» КММ бастауыш кәсіподақ төрағасы Қызырбекова Айтолқын Болатбекқызы туралы сөз етуді жөн көрдік. Өз жұмысын тыңғылықты атқарып. ұжымды береке бірлікке шақыра отырып, ұжым ішіндегі ауқымды шаралар ұйымдастырады. Жас кәсіподақ көшбасшысы атқарған жұмыстарын, тәжірбиесін аудандық семинарда таратып келеді.
Айтолқын Болатбекқызы 1997 жылы Шығыс Қазақстан облысы, Тарбағатай ауданы Жетіарал ауылында дүниеге келген. 2003-2013 жылдар аралығында Өскемен қаласы әкімдігінің «№45 бейімделген орта мектебі» КММ білім алып, 2013-2017 ж.ж. Шығыс Қазақстан гуманитарлық колледжін «Тәрбие жұмысын ұйымдастырушы» мамандығын тәмамдады. 2017-2019 жылдары Өскемен қаласы әкімдігінің «№ 47 жалпы білім беретін мектебі» КММ ұйымдастырушы-педагог болып жұмыс атқарды. 2019 жылы «Дипломмен ауылға» бағдарламасымен Асусай мектебіне тәлімгер болып орналасты. Алғашқы күннен бастап, ол берілген тапсырмаларды дер кезінде, тиянақты орындап, өз ісіне жауапкершілігін, ұқыптылығын көрсетті. 2020 жылы С.Аманжолов атындағы ШҚ мемлекеттік университетінің «Биология пәні мұғалімі» мамандығы бойынша тәмамдады.
Айтолқын Болатбекқызы – үнемі білімін жетілдіріп, заман талабына қарай жаңартылған білім беру мазмұнында көкжиегін кеңейтіп жүретін ұстаздардың қатарында. Оқушылар арасында білім мен тәрбиені қатар насихаттап, мектептің тәрбие саласына қосқан үлесі зор. Үнемі түрлі іс-шаралардың ұйымдастырушысы, алдына қойған мақсат-міндетін тиянақты орындайды.
2022 жылдан бастауыш кәсіподақ төрағасы болып сайланды. Қоғамдық орындарда, ұжым ортасында жалпы қабылданған моральдық-әдептілік нормаларын сақтай біледі.Ұжымда сыйлы, іс-тәжірибе барысында білгенін бөлісіп, оқушылардың сапалы білім, саналы тәрбие алуы жолында аянбай еңбек етеді. Еңбек етіп келе жатқан жылдары ішінде табыстарға жетіп, біршама марапаттарға ие болды.
Айтолқын Болатбекқызы – қабілетті, білімді, еңбекқор өнерге деген ынтасы зор. Жаста болса бастауыш кәсіподақ жұмысын шеберлікпен орындап жүр.Ұйымдастырушылық қабілеті жоғары. Сынды дұрыс түсінеді, кемшіліктерін тез түзетуге тырысады. Ұжыммен тіл табысқыш, ибалы, кішіпейіл, қарапайым. Өзіне тапсырылған жұмысты аса жауапкершілікпен атқарады. Аудан мектептеріндегі жас кәсіподақ көшбасшылары Айтолқын Болатбекқызына қарап, оны үлгі тұтып, оған қарап, бой түзейтіндігі анық.
-
Фото
-
