Аумақтық ұйымдардың жаңалықтары

Бүгін, 3 шілде күні, Солтүстік Қазақстан облысы кәсіподақтарының аумақтық бірлестігі алаңында облыстың білім, ғылым және жоғары білім беру саласы қызметкерлері кәсіподағының жұмыс жиналысы өтті.

Жиынды ашқан облыстық ұйым төрағасы Б.Е.Аюпов жиналғандарды – филиал төрағаларын, аппарат қызметкерлеріне салемін жолдап, бүгінгі жиын алты айлық бірлескен жұмыстың қорытындысы екенін атап өтті.

Іс-шара жағымды сәттермен басталды – «Айгөлек» балабақшасының техникалық инспекторы В.Р.Сиразетдинова республикалық «Үздік техникалық инспектор» байқауының қорытындысы бойынша құрметті екінші орынмен марапатталды. Жеңімпазға облыстық комитет атынан Құрмет грамотасы мен ақшалай сыйлық табыс етілді.

Венера Рашидқызын құттықтаймыз және оның мекеме қызметкерлеріне қолайлы, қауіпсіз еңбек жағдайларын қамтамасыз етуде одан әрі табыс тілейміз.

26 маусымда өткен салалық кәсіподақтың XV съезінің шешімдерімен төрағаның орынбасары Т.М.Смолина таныстырып, облыстан келген делегаттар Мұқышев Қ.М. – Ғабит Мүсірепов атындағы аудандық филиалының төрағасы, Д.Т.Жарқынбаев – Шал ақын аудандық филиалының төрағасы, С.К.Мақышева Петропавл филиалының төрағасы съезд жұмысы туралы әсерлерімен бөлісті.

Барлық баяндамашылар съездің тамаша ұйымдастырылғанын атап өтті – делегаттарды қарсы алудан бастап съездің жұмыс уақытына дейін, бәрі өте жақсы болды деген пікірлерін жеткізді.

Жиын барысында облыстық комитет аппаратының мамандары облыстық кәсіподақ ұйымының барлық жұмыс бағыттары бойынша қызметін саралап, филиалдар мен БПҰ жұмысының сапасын жақсарту бойынша тиісті ұсыныстар берді.

Сондай-ақ, барлық сөз сөйлегендер, облыстағы төтенше жағдай – су тасқыны кезіндегі кәсіподақ ұйымының жұмысын атап өтті.

Баяндамашылар қиын өмірлік жағдайларда кәсіподақтың «Күш – бірлікте» ұраны өзінің маңыздылығы мен күштілігін дәлелдегенін атап өтті. Өтініш берген біздің саладағы кәсіподақ мүшелерінің барлығына кәсіподақ тарапынан қаржылай көмек көрсетілді. Су тасқынынан зардап шеккен тұрғындарды мектептерде эвакуациялау пункттері, облыстың барлық аудандарынан жиналған гуманитарлық көмекті тарату пункттері ұйымдастырылды – мұның бәрі бастауыштан бастап, барлық деңгейдегі кәсіподақ ұйымдарының бірлескен үлкен жұмысы.

Әріптестер бір-біріне ұйымшылдықпен жұмыс жасағаны үшін алғыстарын білдірді.

Жұмыс кеңесін қорытындылаған Берік Елубайұлы әріптестеріне жақсы демалыс пен жұмысқа жаңа жігермен кірісуге тілектестігін білдірді.