ҚАЛЫҢ ҚАЛАЙ, БАСТАУЫШ?
Әрбір бастауыш кәсіподақ ұйымы өз кәсіподақ мүшелері үшін бос уақытты, демалысты ұйымдастыруды, мәдени-бұқаралық іс-шаралар өткізуді жоспарлап, іске асырады.
Шығыс Қазақстан облысы Зайсан аудандық білім қызметкерлерінің кәсіподақ ұйымына қарасты балабақша мен мектеп бастауыш ұйымдары да жазғы демалыстарын ойдағыдай ұйымдастырды.
«Еңлік» бөбекжай» КМҚК ұжымының бастауыш кәсіподақ ұйымы мен төрағасы Бекшойнова Арайдың ұйымдастыруымен Қарайғайлы тауына ұжыммен демалысқа шықты.
Ал, «Мұжықсу негізгі орта мектебі» КММ бастауыш кәсіподақ ұйымының ұйымдастырумен мектеп ұжымы 80 метр биіктіктен құлайтын Көккөл сарқырамасы, Арасан, Қара Берел, Рахман көлдерінің сарқырама тармақтары, Рахман қайнар бұлағы, Язевое көлі, Мұзтау, Берел қорымы бар Қатонқарағай ауданына саяхаттап қызықты да, көңілді, танымдық демалыс өткізді.
Осындай демалыстар педагогтардың ұжымдық сыйластық, бір – біріне сенім арту, бірлесіп жұмыс жасауға баулу, көңіл – күйлерін көтеру, жалпы жақсы атмосфераны құруға септігін тигізеді. Ол, әрине, бастауыш кәсіподақ ұйымдарының еңбегі. Кәсіподақ төрағаларына сәттілік тілеп, көпшіліктің ризашылығы мен алғысына бөленіңіздер демекпіз.
#Зайсанаудандықбілімкәсіподағы
-
Фото
-
