«DISCOVERY BOROVOE» ДЕМАЛЫС ОРТАЛЫҒЫНДАҒЫ ЖАЗҒЫ ДЕМАЛЫС
Қарағанды облыстық оқу-ағарту, ғылым және жоғары білім қызметкерлерінің салалық кәсіподағы Шучинск - Бурабай аймағында орналасқан "Discovery Borovoe" сауықтыру демалыс орталығымен тиімді келісім-шарт жасап (облыстық кәсіподақ тарапынан қосымша жеңілдік қарастырылды) мамыр, маусым, шілде, тамыз айдарында 100-ге жуық білім ұйымдарының қызметкері 3 күндік, 4 күндік демалыстарға барып, кербез сұлу табиғатымен еліктіретін Бурабай баурайында демалып қайтты.
Демалыс орталығында, демалушылар үшін түрлі бассейндерімен ерекшеленетін аквапарк, 3 мезгіл тамақтандыру, балаларға арналған ойын алаңдары, түрлі ойын-сауық бағдарламалары, жағажайдағы кинотеатр, велосипед тебу, ем-шара кабинеттері тағы да басқа уақытты тиімді өткізу үшін барлық жағдай жасалған.
Қыркүйек, қазан, қараша айларына да үлкен жеңілдіктер ұсынып отырған, өз істерінің шебері, қызметтерін абыройлы атқаратын «Discovery Borovoe» демалыс орталығының әкімшілігі мен қызметкерлеріне демалушылар және облыстық кәсіподақ атынан үлкен алғыс айтамыз.
-
Фото
-
