АЛАШТЫҢ ТҰҢҒЫШ БІЛІМ ОРДАСЫНА – 120 ЖЫЛ!
27-28 қыркүйек күндері еліміздегі педагогикалық білім беретін алғашқы оқу орны - М.О.Әуезов атындағы педагогикалық колледжі 120 жылдық мерейтойын атап өтті.
Мерейтой оқу орнының түлектері - еліміздің тарихи тұлғаларына арналған тағзымтақталардың ашылуы мен М.Әуезов ескерткішіне гүл қою рәсімімен басталды.
Колледж тарихын арқау еткен деректі фильмнің тұсаукесері көрсетіліп, М.Әуезовтің ескерткішіне гүл шоқтарын қою рәсімі, семинар-практикум, фото көрме, мұрағаттық құжаттар көрмесі және танымал түлектерге арналған тақырыптық кабинеттердің ашылу салтанаты ұйымдастырылды.
Мерекелік шара барысында «Абай облысының кәсіподақ ұйымы» қоғамдық бірлестігінің төрағасы Ибраев Сәбит Молдатьянұлы оқытушылар мен қызметкерлерге Қазақстан Республикасы Оқу-ағарту министрінің Алғыс хатын, «Білім және ғылым қызметкерлерінің кәсіподағына сіңірген еңбегі үшін» төсбелгісін, «Қазақстандық оқу-ағарту, ғылым және жоғары білім қызметкерлері салалық кәсіптік одағының» республикалық, облыстық құрмет грамоталары мен алғыс хаттарын және колледжге сыйақысын табыстады.
Салтанатты кеш оқу орнының әр жылдағы түлектерінің құттықтаулары мен ән-шашуларына ұласты.
Мерейтой 28 қыркүйек күні «Шыңғыстау – тағзым етер нұр тұрағым» - Шыңғыстау еліне сапарнамамен жалғасты.
Л.Нұгымарова,
М.О. Әуезов атындағы педагогикалық колледжінің
бастауыш кәсіподақ төрайымы.
-
Фото
-
