ҰСТАЗДАР СПОРТ САЙЫСЫНДА
8 қазан күні, Атырау облысы Білім беру басқармасы Балаларға қосымша білім беру оқу-әдістемелік және ғылыми-практикалық орталығы және «Атырау облысы білім және ғылым қызметкерлері кәсіптік одағы» ҚБ ұйымдастыруымен дәстүрлі жалпы білім беретін мектеп мұғалімдері арасында облыстық спартакиадасы салтанатты түрде ашылды. Жарыстың ашылу рәсімінде облыстық Білім беру басқармасы басшысының орынбасары Орынтай Биманова, «Атырау облысы білім және ғылым қызметкерлері кәсіптік одағы» қоғамдық бірлестігінің төрағасы Қылышбай Сүндетұлы сөз сөйлеп, жарысқа қатысушыларға сәттілік тіледі.
Спорттың 8 түрін сарапқа салатын сайысқа Қызылқоға, Мақат, Жылыой, Исатай, Махамбет, Құрманғазы, Индер аудандары мен Атырау қаласы және облыстық мектеп-лицей интернаттар құрама командалары шықты. Олар алғашқы күні футзал, волейбол, үстел теннисінен күш сынасады. Мұғалімдер арасындағы спартакиада 13 қазан күні аяқталады.
«Атырау облысы білім және ғылым қызметкерлері кәсіптік одағы» ҚБ баспасөз қызметі
-
Фото
-
