Аумақтық ұйымдардың жаңалықтары

Батыс Қазақстан облыстық оқу – ағарту, ғылым және жоғары білім қызметкерлері кәсіподағының жоспарына сәйкес қазан айында төраға Марат Даупаев, бас маман Марина Темірғалиева, бас маман – заңгер Гүлжанат Құрманғазиева, бас есепші Гүлнұр Хаирлиева Сырым, Жәнібек және Бөкей – Ордасы аудандық кәсіподақ комитеті – Филиалдары бастауыш кәсіподақ ұйымының төрағалары және жұмыс берушілермен кездесіп, оқыту семинарын өткізді.

Сырым аудандық кәсіподақ комитеті – Филиалы бойынша кәсіподақ құрамынан шығып кеткен және кәсіподақты тарату туралы хабарлаған білім беру ұйымдарымен кездесті. Талдыбұлақ және Бұланды елді мекеніндегі мектеп ұжымдарымен кездесіп түсіндіру жұмыстары жүргізілді.

Сырым аудандық кәсіподақ комитеті – Филиалының «Балдырған» балабақшасы, Шығармашылық орталық және А.Губайдуллин атындағы балалар музыка мектебі бастауыш кәсіподақ ұйымыдарымен кездесіп оқыту семинарын өткізді.

Жәнібек және Бөкей Ордасы аудандық кәсіподақ комитеті – Филиалдарымен кездесулер мен оқыту семинарлары өткізіліп, оған жұмыс берушілер мен бастауыш кәсіподақ ұйымдарының төрағалары қатысты.

Әр кездесу барысында аудандық бастауыш кәсіподақ ұйымдарының төрағаларымен, аудандық білім бөлімдерінің басшылары және жұмыс берушілермен ұжымдағы тұрақтылықты қалыптастыру, кәсіподақ мүшелігін нығайту жұмыстары, кәсіподақ мүшелерінің әлеуметтік-экономикалық жағдайын жақсарту, олардың заңды мүдделерін қорғау бойынша атқарылып жатқан жұмыстар туралы ақпарат берілді.

Кездесулер еркін диалог форматында жүргізіліп, жұмыс берушілер мен қызметкерлер тарапынан қойылған сұрақтарға заңгер Гүлжанат Курмангазиева жауап беріп, заңдар мен нормативтік-құқықтық актілер бойынша түсіндірді.

Ұжымдармен кездесу барысында кіші қызметкерлерге сауықтыру жәрдемақысын беру туралы, кітапханашыларды педагог қызметкерлерге теңестіру туралы сұрақтарын Орталық комитетке жеткізіуін ұсынды.

Батыс Қазақстан облыстық ұйымы