Аумақтық ұйымдардың жаңалықтары

Астана қаласының білім беру қызметкерлері Кәсіподағы кезекті Атқару комитетінің отырысын өткізді. Отырысты Кәсіподақ төрағасы Батыр Әлиев ашып, Атқару комитетінің мүшелерін күн тәртібімен таныстырды.

Атқару комитетінің отырысында:

1. Астана қаласының білім басқармасы мен Астана қаласының білім беру қызметкерлерінің Кәсіподағы арасындағы әлеуметтік әріптестік туралы келісімнің орындалу жағдайы туралы;

2. 2024 жылдың жазғы кезеңінде кәсіподақ мүшелерінің демалысын ұйымдастыру және өткізу жөніндегі Кәсіподақ жұмысының қорытындылары туралы;

3. Кәсіподақтың 2025 жылға арналған жұмыс жоспары туралы;

4. Жыл сайынғы «Мектепке жол» акциясы туралы;

5. Кәсіподақтағы еңбекші әйелдер істері жөніндегі комиссия және оның жұмысының тиімділігін арттыру жөніндегі шаралар туралы;

6. Астана қаласының білім беру қызметкерлері Кәсіподағының 25 жылдығына дайындық және өткізу жөніндегі негізгі іс-шаралар жоспары туралы;

7. Астана қаласының білім беру қызметкерлері кәсіподағының істер номенклатурасы туралы;

8. Кәсіподақтың Жергілікті құқықтық актілеріне өзгерістер мен толықтырулар енгізу туралы сұрақтар талқыланды.

Сондай-ақ, Атқару Комитеті отырысында белсенді кәсіподақ мүшелері марапатталды.