Аумақтық ұйымдардың жаңалықтары

Астана қаласының білім беру қызметкерлері Кәсіподағы кезекті Атқару комитетінің отырысын өткізді. Отырысты Кәсіподақ төрағасы Батыр Әлиев ашып, Атқару комитетінің мүшелерін күн тәртібімен таныстырды.

Атқару комитетінің отырысында:

1. Астана қаласы әкімдігінің «Ақан Құрманов атындағы № 17 мектеп-гимназиясы» ШЖҚ МКК бастауыш кәсіподақ ұйымының қызметі туралы.

2. Астана қаласы әкімдігінің «Арнаулы әлеуметтік қызметтерге мұқтаж балаларды қолдау орталығы» КММ бастауыш кәсіподақ ұйымының қызметі туралы.

3. 2024 жылғы Кәсіподақ мүшелігі және Кәсіподақ органдары туралы статистикалық есептіліктің қорытындылары туралы.

4. Астана қаласы білім беру қызметкерлері Кәсіподағының 25 жылдығына арналған «Астана қаласы білім беру қызметкерлері Кәсіподағының Еңбекті қорғау жөніндегі үздік техникалық инспекторы» конкурсын өткізу туралы.

5. Астана қаласының білім беру қызметкерлері Кәсіподағының 25 жылдығына арналған жастар лагерін өткізу туралы.

6. Астана қаласының білім беру қызметкерлері Кәсіподағының Атқару комитетінің көшпелі отырысын өткізу туралы.

7. Қазақстандық оқу-ағарту, ғылым және жоғары білім қызметкерлерінің салалық кәсіптік одағының Атқару комитетінің сұрақтары туралы сұрақтар талқыланды.

Отырыс барысында Астана қаласы әкімдігінің «Ақан Құрманов атындағы № 17 мектеп-гимназиясы» ШЖҚ МКК бастауыш кәсіподақ ұйымының және Астана қаласы әкімдігінің «Арнаулы әлеуметтік қызметтерге мұқтаж балаларды қолдау орталығы» КММ бастауыш кәсіподақ ұйымының кәсіподақ мүшелерінің еңбек құқықтары мен мүдделерін қорғау, білім беру ұйымының әкімшілігімен бірлескен іс-шаралар, материалдық көмек көрсету бағытында атқарылған жұмыстар туралы ақпараттары қаралды. Отырыста аталған бастауыш кәсіподақ ұйымдарының жұмысының оң тәжірибесін барлық білім беру ұйымдарына тарату туралы шешім қабылданғанын атап өту қажет.

Бастауыш кәсіподақ ұйымдарының жұмысын және Кәсіподақ мүшелерінің әлеуметтік-экономикалық, еңбек құқықтары мен мүдделерін қорғауды күшейту қажет екендігі атап өтілді.

Отырыста Атқару комитетінің мүшелері сұрақтарды талқылап, аталған мәселелер бойынша ұсыныс-пікірлерін білдірді. Барлық мәселелер бойынша тиісті қаулылар қабылданды.