Аумақтық ұйымдардың жаңалықтары

Бүгін, 2025 жылдың 16 сәуірінде, Түркістанда әлеуметтік маңызы зор жиын — Әлеуметтік әріптестік пен әлеуметтік және еңбек қатынастарын реттеу жөніндегі облыстық үшжақты комиссияның отырысы өтті.

Жиынды Түркістан облысы әкімінің орынбасары Бейсенбай Дәулетұлы Тәжібаев жүргізді.

Комиссия отырысы аясында өңіріміздегі еңбек қатынастарының өзекті мәселелері, жұмысшылардың құқықтарын қорғау, еңбек қауіпсіздігін қамтамасыз ету сынды маңызды тақырыптар жан-жақты талқыланды.

1.Облыстық үшжақты комиссияның қызметі мен міндеттері туралы

Баяндамашы: Облыстық жұмыспен қамтуды үйлестіру және әлеуметтік бағдарламалар басқармасының басшысы — Асия Құралқызы Темірбаева.

2. Өндірістік мекемелердегі еңбек қауіпсіздігі мен жазатайым оқиғалардың алдын алу шаралары

Баяндамашы: «Түркістан облысы Кәсіподақтар орталығы» төрағасы — Өмірәлі Бердіғали.

Жиынға Түркістан облыстық ұйымының төрағасы Жандос Шайдуллаұлы да арнайы қатысты. Ол білім саласындағы еңбек қатынастарына қатысты өзекті мәселелерді көтеріп, нақты ұсыныстарын ортаға салды.

Жандос Шайдуллаұлы өз сөзінде төмендегі мәселелерге тоқталды:

Мұғалімдер мен ғылым қызметкерлерінің әлеуметтік жағдайы

Білім саласындағы еңбек келісімшарттарының әділ орындалуы

Жұмыс орнындағы еңбек қауіпсіздігі

Жалақының уақтылы төленуі және заңмен қорғалуы

Ол сондай-ақ кәсіподақтың облыстағы білім қызметкерлерінің құқықтарын қорғау және еңбек жағдайларын жақсарту бағытында атқарып жатқан жүйелі жұмысын таныстырып өтті. Оның қатысуы отырыстың мазмұнын байытып, әлеуметтік әріптестік аясында білім саласының маңыздылығын айқын көрсетті.

Комиссия отырысы барысында барлық ұсыныстар тыңдалып, жауапты органдарға нақты тапсырмалар берілді.