ОРАЛ «СЕРВИС» ТЕХНОЛОГИЯЛЫҚ КОЛЛЕДЖІНЕ – 65 ЖЫЛ: МЕРЕЙЛІ МЕРЕКЕ ЖОҒАРЫ ДЕҢГЕЙДЕ АТАЛЫП ӨТТІ
Батыс Қазақстан облысы, Орал қаласындағы Жастар мәдениет үйінде Орал «Сервис» технологиялық колледжінің 65 жылдық мерейтойына арналған «Өнер мен еңбек: табысқа ұмтылудың салтанаты» атты мерекелік шара өтті.
Шараға Батыс Қазақстан облыстық оқу-ағарту, ғылым және жоғары білім қызметкерлері кәсіподағы және төраға Марат Даупаевтың атынан кәсіподақ маманы Асем Кажгалиева қатысып, кештің куәсі болды.
Жұмысшы мамандықтар жылымен тұспа-тұс келген бұл кеште мазмұнды әрі сән-салтанатқа толы бағдарлама ұсынылды. Әсем ән мен би, колледж мамандықтары бойынша дайындалған сән үлгілері, сондай-ақ халықаралық және республикалық байқаулардың жүлдегерлері мен жеңімпаздарының жұмыстары көрермен назарына ұсынылды.
Кеш барысында жылы лебіздер мен құттықтаулар айтылып, колледж ұжымына және ардагер ұстаздарға марапаттар мен алғыс хаттар табысталды.
Сонымен қатар, Қазақстандық оқу-ағарту, ғылым және жоғары білім қызметкерлері кәсіподағының «Кәсіподақ ардагері» төсбелгісі мен республикалық және облыстық деңгейдегі Құрмет грамоталары салтанатты түрде табыс етілді.
-
Фото
-
