ҚАЗАҚСТАНДЫҚ ОҚУ - АҒАРТУ , ҒЫЛЫМ ЖӘНЕ ЖОҒАРҒЫ БІЛІМ ҚЫЗМЕТКЕРЛЕРІНІҢ САЛАЛЫҚ КӘСІПОДАҒЫНА 100 ЖЫЛ
Бір ғасырлық тарихы бар қоғамдық бірлестік қазіргі уақытта еліміздің саяси - экономикалық өмірінде өзіндік орны бар, білім саласының қызметкерлері арасында беделді ұйым.
Білім саласының кәсіподақ ұйымының мерейлі 100 жылдығына 10-шы маусым күні Ақсуат аудандық кәсіподақ комитетінің ұйымдастыруымен бастауыш кәсіподақ ұйымының төрағаларымен мерекелік шара ұйымдастырылып, өткізілді. Сондай-ақ жаз уақытында кәсіподақ мүшелеріне жазғы демалыстарын ұйымдастыру туралы жоспары таныстырылды.
Мерекелік шара Ақсуат аудандық кәсіподақ комитетінің құттықтау сөзімен ашылып, Салалық кәсіподақтың 100 жылдық тарихи мәні бар ұйымның өткен белестері туралы айтылып, кәсіподақ өз тарихында сала қызметкерлері үшін сенімді тірек бола отырып, қызметкерлердің құқықтарын қорғау, кәсіби қоғамдастықты нығайту және еңбек жағдайларын жасау жолындағы дәйекті тарихы туралы бейнежазбалар көрсетілді.
Білім кәсіподағының 100 жылдығына орай, кәсіподақ мүшелері мен төрағалар грамоталар мен бағалы сыйлықтармен салтанатты түрде марапатталды.
Салтанатты мерекелік шарада “Балдырған” бөбекжайы КМҚК бастауыш кәсіподақ ұйымының төрағасы зейнеткерлік жасқа толуына байланысты аудандық кәсіподақтың құттықтау хаты мен арнайы сыйлық табысталып, құрметпен шығарып салдық.
Мерекелік шара аясында, кәсіподақ мүшелеріне концерттік бағдарлама мен мерекелік дастархан ұйымдастырылды.
С.Ахметкалиев
Ақсуат аудандық кәсіподақ комитетінің төрағасы
-
Фото
-
