80 ЖЫЛДЫҚ ТАРИХЫ БАР, ТЕРЕҢ ТАМЫРЛЫ БІЛІМ ОРДАСЫ
Шығыс Қазақстан көпсалалы колледжінің тарихы 1944 жылдан бастау алады. Қазақстан Компартиясы Атқару Комитеті мен облыстық комитетінің 1944 жылғы 2 наурыздағы № 330 қаулысымен Шығыс Қазақстан агро-мал шаруашылығы мектебі ашылды. Ұлы Отан соғысының жалғасуына қарамастан, ел ауыл шаруашылығын қалпына келтіру және дамыту туралы ойлады.
1946-1954 жылдары мектеп Өскемен ауылшаруашылық техникумы болып қайта құрылды. Оқу орнының алғашқы жылдарында материалдық-техникалық база өте шектеулі болды. Техникум бір уақытта 200 студент оқитын төрт бөлмелі бір үйде орналасқан. Алайда, біртіндеп техникум өзінің базасын нығайта бастады. Зоотехния, жеміс-көкөніс шаруашылығы және ветеринария мамандарын даярлау жүргізілді. Материалдық база едәуір жақсартылды, оқу ғимараттары, жатақхана, спорт залы мен асхана салынды.
1972 жылы Өскемен ауыл шаруашылығы техникумы Шығыс Қазақстан совхоз-техникумы болып қайта құрылды. Бұл мықты материалдық база құруға, білім беру процесін жақсартуға және жоғары білікті кадрлар даярлауға мүмкіндік берді.
1995 жылы техникум Шығыс Қазақстан ауыл шаруашылығы колледжі болып қайта құрылды. Осы кезеңде колледж мыңдаған мамандарды бітіріп, агроөнеркәсіптік бағыттағы жетекші білім беру мекемелерінің біріне айналды.
2023 жылы колледж Шығыс Қазақстан көпсалалы колледжі болып өзгертілді, бұл оның жан-жақтылығын және білім беру бағыттарының кең спектрін көрсетті.
2025 жылдың 12 маусымында колледждің 80 жылдық мерейтойы айтулы оқиғаға айналды. Салтанатты шараға облыс көлеміндегі білім беру саласының көрнекті өкілдері қатысып, колледж ұжымына құттықтауларын жеткізді.
Шығыс Қазақстан облысы оқу-ағарту, жоғары білім, ғылым және басқа бюджеттік ұйымдар қызметкерлерінің жергілікті кәсіподағының төрағасы Касенова Назгуль Базарбаевна мерейтойлық шараның құрметті қонағы болды. Ол колледж директоры Оспанов Уралбек Тулегеновичке және бірқатар оқытушылар мен қамту қызметкерлеріне еңбектерінің жемісі ретінде арнайы төс белгілерін, сыйлықтарын табыстады.
Бұл марапаттар колледж ұжымының білім беру саласындағы өлшеусіз үлесін, жас ұрпақтың сапалы білім алуына қосқан зор еңбегін мойындаудың көрінісі. Колледж ұжымы алдағы уақытта да білім беру саласындағы жетістіктерін арттырып, облыстың әлеуметтік-экономикалық дамуына өз үлесін қоса беретініне сенімдіміз. Мерейтойлық шара колледж ұжымына жаңа серпін беріп, шығармашылық табыстарға жетелейтіні сөзсіз.
Бүгінгі таңда колледж материалдық-техникалық базаны жаңғырту және білім беру бағдарламаларын еңбек нарығының талаптарына бейімдеу арқылы дамуын жалғастыруда.
Мерейтоларыңыз құтты болсын!
Шығыс Қазақстан облыстық кәсіподақ ұйымы
-
Фото
-
