КӘСІПОДАҚ ҚОЛДАУЫ
«Talimger_pro» жобасы аясында Маңғыстау облысында техникалық және кәсіптік білім беру ұйымдарында оқитын жастардың кәсіпкерлік әлеуетін арттыру, инновациялық ойлауын дамыту және стартап жобаларды қолдау мақсатында «Талпын Халық–2025» байқауы ұйымдастырылды.
Байқау 1 ай бойы жалғасып, бірнеше кезеңнен тұрды. Облыстағы колледждерден 76 жоба қабылданып, екінші айналымға 40 жоба, ал үшінші, шешуші кезеңге 26 жоба жолдама жарысқа түсті.
Финалдық кезеңде 26 қатысушы өз стартап иедеяларын тәуелсіз сарапшылар алқасына таныстырып, жобалардың өзектілігі, инновациялық шешімдері мен іске асу мүмкіндіктері туралы баяндады.
Қорытынды шарада үздік жобалар анықталып, жеңімпаздар мен жүлдегерлер дипломдармен және арнайы сыйлықтармен марапатталды.
Қазақстандық оқу-ағарту, ғылым және жоғары білім қызметкерлерінің салалық кәсіптік одағының Маңғыстау облысы ұйымы төрағасы Баймбетова Тарбие Анайбекқызы кәсіподақ атынан екі жобаға, біреуі Х. Өзбекғалиев атындағы Маңғыстау политехникалық колледжі» «Wood Puzzle мүмкіндігі шектеулі балаларға арналған моторика мен логикалық ойлауды дамытатын экологиялық ағаш пазлдар мен ойыншықтар жасау», екіншісі, Қарақия кәсіптік колледжі «Жасыл ел» теплица жобасы ақшалай сертификаттар табыстады.
Байқауда, «Х. Өзбекғалиев атындағы Маңғыстау политехникалық колледжі» МККҚ ЕТ 22-01с тобының студенті Нұрлыбай Төлеген өзінің «Wood Puzzle» – мүмкіндігі шектеулі балаларға арналған моторика мен логикалық ойлауды дамытатын экологиялық ағаш пазлдар мен ойыншықтар жасау жобасын сәтті қорғады.
«Талпын Халық–2025» байқауы кәсіби бағдар мамандарының өз әлеуетін көрсетуіне, кәсіпкерлікке алғашқы қадам жасауына және өңірлік экономиканың дамуына үлес қосуына мүмкіндік берген маңызды алаң болды.
Студенттердің бастамаларын қолдап, олардың кәсіби және шығармашылық дамуына тұрақты түрде қолдау көрсетіп келе жатқан Салалық кәсіподақтың Маңғыстау облыстық ұйымы жастарды жан-жақты дамытуға жол ашуда.
Облыстық кәсіподақ ұйымы тұрақты қамқорлығы, әлеуметтік жауапкершілігі мен нақты қолдауы үшін шынайы алғысымызды білдіреміз.
Г.Асылбай,
Х.Өзбекғалиев атындағы Маңғыстау жоғары политехникалық колледжінің бастауыш кәсіподақ ұйымының төрағасы
-
Фото
-
