Аумақтық ұйымдардың жаңалықтары

Шығыс Қазақстан облысы, Тарбағатай ауданындағы «Абай атындағы орта мектебі» коммуналдық мемлекеттік мекемесінде бастауыш кәсіподақ ұйымының бастамасымен ұжым мүшелері арасында спорттық жарыстар ұйымдастырылды. Бұл шараның негізгі мақсаты – қызметкерлер арасындағы өзара сыйластық пен достық қарым-қатынасты нығайту, сондай-ақ ұжымдық рухты көтеру болды.

Жарыс екі кезеңнен тұрды. Алғашқы кезеңде үстел ойындары, атап айтқанда, теннис, тоғызқұмалақ және шахмат бойынша сайыстар өтті. Бұл ойындарда мұғалімдер өздерінің ойлау қабілеттерін, стратегиялық дағдыларын және жылдамдығын көрсетті. Екінші кезеңде командалық волейбол ойыны ұйымдастырылды. Бұл ойын әсіресе тартысты әрі қызықты өтіп, командалардың ұйымшылдығы мен спорттық шеберлігін айқын көрсетті.

Жарыс барысында барлық командалар жоғары деңгейде ойын өрнегін көрсетіп, өздерінің спорттық шеберліктері мен ұжымдық рухтарын дәлелдеді.

Ойындардың тартысты өтуі көрермендерге де үлкен әсер қалдырды.

Жеңімпаз командалар арнайы дипломдармен және ақшалай сыйлықтармен марапатталды. Сонымен қатар, іс-шара қорытындысы бойынша үздік нәтиже көрсеткен мұғалімдер аудандық спартакиадаға жолдама алды.

Бұл спорттық мереке барлық қатысушыларға көтеріңкі көңіл күй мен жағымды әсер сыйлады.

Мұндай спорттық іс-шаралар ұжымның бірлігін арттырып, салауатты өмір салтына деген қызығушылықты нығайтатыны сөзсіз. Бұл жарыс Абай атындағы орта мектебі ұжымының достық пен спорттық белсенділікке деген ұмтылысын тағы бір рет көрсетті.

Шығыс Қазақстан облыстық ұйымы