Келісу комиссиясының мүшелеріне арналған семинар – практикум
Ағымдағы жылдың 24 қарашасында Аққулы ауданының Потанин мектебінің базасында ауданның білім беру ұйымдарының Келісу комиссиясының мүшелері үшін облыстық оқыту семинар-практикумы өтті. Оқытуды Павлодар облыстық ұйымының құқықтық мәселелер жөніндегі бас маманы – Гүлшат Оралқызы Жаркенова жүргізді.
Гүлшат Оралқызы өз сөзінде Салалық кәсіподақты дамыту тұжырымдамасының негізгі аспектілеріне тоқталды. Келісу комиссиясының еңбек дауын шешу жөніндегі қолданыстағы орган болып табылатындығы туралы, келісу комиссиясының әрбір отырысында төраға мен хатшының міндеттері туралы, келісу комиссиясы қарайтын мәселелер және жекелеген даулар бойынша шешімнің орындалу тәртібі туралы нақты түсініктеме беріп, келісу комиссиясының әрбір мүшесіне жеткізді.
Семинардың тәжірибелік бөлігі топтармен жұмыста келісім комиссиясында еңбек дауын шешу , еңбек дауларын шешу кезінде медиацияны қолдану және оның рөлі , жұмыскерлердің еңбек және әлеуметтік құқықтарын қорғау жөніндегі кәсіподақ комитетінің жұмысы , еңбек дауларының туындау себептері, қолайлы моральдық – психологиялық жағдай жасаудағы кәсіподақ ұйымының рөлі және ұжымдағы ауа райы мен кәсіподақ мүшелерінің денсаулығын нығайту туралы мәселелер қаралып, өз барысын жалғастырды.
Семинар-практикумды қорытындылай келе, әріптестер семинарда алған ақпараттары туралы өз білімдері және дағдыларымен бөлісіп, жұмысқа одан әрі жемісті қарым-қатынас тілеп, алғыстарын білдірді. Семинардың барлық қатысушыларына оқудан өткені туралы сертификаттар табысталды.
Павлодар облыстық ұйымының баспасөз қызметі
