Келісу комиссиясы жеке еңбек дауларын соттан тыс реттеу тәртібі ретінде
2022 жылғы 9 қарашада Май ауданы білім беру мекемелерінің Келісу комиссияларының мүшелері үшін "Павлодар облыстық білім және ғылым қызметкерлері кәсіподақ ұйымы" қоғамдық бірлестігінің құқықтық мәселелер жөніндегі бас маманы Г. О. Жаркенованың қатысуымен оқыту семинары өткізілді.
Алдымен Гүлшат Оралқызы Жаркенова семинар тыңдаушыларын "Жаңа Қазақстан – жаңа кәсіподақ" білім және ғылым қызметкерлерінің Қазақстандық салалық кәсіптік одағын дамыту тұжырымдамасының негізгі бағыттарымен таныстырды, онда Павлодар облысы кәсіподағының республикадағы жетекші рөліне тыңдаушылардың назарын аудара отырып, сала қызметкерлерінің еңбек құқықтары мен мүдделерін қорғау мәселелері жөніндегі жұмысты егжей-тегжейлі атап өтті.
Тақырыптың жалғасында Келісу комиссияларының жұмысы қаралды. Келісу комиссиясы ұйымда құрылатын тұрақты жұмыс істейтін орган болып табылады. Ол жұмыс беруші мен қызметкерлердің өкілдерінің тең санынан тепе-тең негізде құрылады. Келісу комиссияларының мүшелері ретінде ұйым басшысының бұйрығымен және кәсіподақ жиналысының шешімімен еңбек қызметі процесінде туындайтын проблемалық мәселелерді байсалды және әділ шеше алатын лайықты, беделді адамдар сайланады.
Семинар жұмысына еңбекті қорғау жөніндегі мемлекеттік инспектор М. Т. Байсалов қатысты. Тыңдаушылар семинар барысында туындаған барлық сұрақтарға толық жауап ала алды. Жұмыс соңында қатысушылар кездесу барысында облыстық кәсіподақ ұйымына пайдалы оқыту семинары үшін алғыс білдіре отырып, келісу комиссияларының жұмысы саласындағы білімдерін кеңейте алғанын атап өтті.
Семинар соңында барлық тыңдаушыларға Келісу комиссияларының мүшелерін оқыту туралы сертификаттар табысталды.
Павлодар облыстық білім және ғылым қызметкерлерінің кәсіподақ ұйымының баспасөз қызметі
