СПАРТАКИАДА ЖҮЛДЕГЕРЛЕРІ МАРАПАТТАЛДЫ
Ағымдағы жылдың 9-12 маусым күндері Түркістан қаласында Салалық кәсіподақ пен ҚР Білім және ғылым министрлігінің Ұлттық ғылыми-практикалық дене тәрбиесі орталығының ұйымдастыруымен Техникалық және кәсіптік, орта білімнен кейінгі білім беру ұйымдарының педагогтары мен қызметкерлері арасында І республикалық спартакиадасы өткізілген болатын.
Аталмыш спорт додасына еліміздің барлық аймағынан 18 команда қатысып, байрақты бәсекеде Қызылорда облысы ұстаздарының құрамасы жалпы командалық есепте жүлделі ІІ орынды иеленді.
Бүгін аймағымыздың абыройын асқақтатқан Сыр ұстаздарынан құралған команда мүшелерін облыстық білім басқармасы басшысының орынбасары Әзизбек Ізімбетов пен комитет төрағасы Гүлнар Есқалиева құттықтап, арнайы Алғыс хатпен, «Таң-Нұры» шипажайына жолдамалар табыстады.
Айта кетейік спартакиадада ұстаздар футбол, тоғызқұмалақ, волейбол (ерлер, әйелдер) және үстел теннисінен сынға түскен болатын.
Қызылорда облыстық білім және ғылым
қызметкерлерінің кәсіподағы
