ОРАЛДА «МЕРЕЙЛІ ОТБАСЫ» ҰЛТТЫҚ БАЙҚАУЫ ӨТТІ
Орал қаласы, Шолохов скверіндегі жаңа амфитеатрда «Мерейлі отбасы» ұлттық байқауының лауреаттарын марапаттау кеші өтті.
Ұлттық байқаудың береке - бірлігі жарасқан отбасыларды насихаттауда маңызы орасан. Байқаудың қалалық кезеңіне 11 отбасы қатысты.
Іс - шара «Балаларға базарлық» ұйымдастыру орталығының балаларға арналған көңілді ойын - сауық бағдарламасымен басталды.
Осыдан кейін Орал қаласы әкімінің орынбасары Мирболат Сағынғалиев құттықтау сөз сөйлеп, барша қатысушыларға алғысын білдірді.
Байқаудың қалалық кезеңінің бас жүлдесіне ие болған ұстаздар отбасы - Балмулдиндер жанұясын Батыс Қазақстан облысы білім және ғылым қызметкерлері кәсіподағының Орал қалалық комитеті – филиалының төрағасы Төлеген Темешев құттықтап, бағалы сыйлықтар табыстады.
Алдағы облыстық кезеңде Балмулдиндер мен Телегеновтер отбасы шаһар намысын қорғайтын болады.
Батыс Қазақстан облысы білім және ғылым қызметкерлері кәсіподағының Орал қалалық комитеті
