«ҮЗДІК ЖАС МАМАН-2022»
Қызылорда облыстық білім басқармасы мен Білім және ғылым қызметкерлері кәсіподағының облыстық комитетінің 07.02.2022 жылғы №24-нқ бұйрығына сәйкес, бүгін облыстық оқу орталығының Мәжіліс залында жас ұстаздарға арналған ҮЗДІК ЖАС МАМАН-2022 облыстық кәсіби байқауы болып өтті.
Байқауға аудандық, қалалық кезеңнің 9 жеңімпазы қатысты.
Байқаудың басты мақсаты:
Шығармашылықпен жұмыс жасайтын, талантты мұғалімдерді анықтау, оларды қолдау және тәжірибесін тарату;
Жас ізденімпаз, креативті, шығармашыл мұғалімінің мәртебесін көтеру;
АКТ меңгерген, жан-жақты мобильді мұғалімді анықтау;
Мұғалімнің шығармашылық өзін-өзі жүзеге асыруын және кәсіби өсуін ынталандыру;
Жаңашыл мұғалімнің құрылымдық-мазмұндық моделін әзірлеу;
Замануи инновациялық білім беру технологияларын енгізу және тарату.
Байқау негізгі 3 бөлімнен тұрды:
«Шығармашылық толқын» -мұғалім өзінің жаңа технологиялық әдістер бойынша өткізген 1 сабағын панорамалық түрде ұсыну.
«Мұғалімнің шығармашылық шеберханасы» -мұғалімнің авторлық бағдарламасы, әдістемелік құралы, пәндер бойынша есептер мен жазба жұмыстарының жинақтары, таратпа материалдарын ұсыну.
«Менің ең үздік педагогикалық идеям»- мұғалім TEDx форматында сабағында пайдаланатын педагогикалық идеяларын ұсынды.
Байқаудың әділ-қазылар алқасының мүшелері:
Каинбаева Лариса Сағижанқызы -Қорқыт Ата атындағы Қызылорда университетінің «Физика және математика» кафедрасының меңгерушісі, п.ғ.к;
Бимаханова Әсел Асанқызы- М.Мәметова атындағы Қызылорда педагогикалық жоғары колледжінің педагогика пәндерінің оқытушысы, оқу-әдістемелік кабинет меңгерушісі;
Сағындықова Жанар Берікболқызы- Қызылорда облыстық білім және ғылым қызметкерлері кәсіподақ ұйымының бас маманы.
Байқау қорытындысы бойынша:
І-орын- Төлеген Піржан, Сырдария ауданы №42 мектеп-лицейінің химия пәнінің мұғалімі;
ІІ орын- Асқар Жылқаев, Қызылорда қаласы №3 IT мектеп-лицейінің биология пәнінің мұғалімі;
ІІІ орын- Сараман Аслан, Қазалы ауданы №249 мектеп-лицейінің тарих пәнінің мұғалімі.
Алғыс хат- Анар Рүстемова, Жаңақорған ауданы №184 негізгі мектептің ағылшын тілі пәнінің мұғалімі;
Алғыс хат- Назым Ысқақ, Жалағаш ауданы №32 орта мектептің қазақ тілі мен әдебиеті пәнінің мұғалімі.
Байқау жеңімпаздары Облыстық білім басқармасы мен Білім және ғылым қызметкерлері кәсіподақ ұйымының бірлескен дипломдарымен және арнайы сыйлықтармен марапатталды.
Байқау соңында қатысушылар өзара тәжірибе алмасудың ұтымды болғанын, өздеріне алдағы уақытқа жаңаша серпін алғандарын айтып, алдағы уақытта бұдан да жоғары дайындық жасайтындарын жеткізді.
Қызылорда облыстық білім және ғылым
қызметкерлері кәсіподақ ұйымы
