ҚЫЗЫЛОРДАДА ЖЫЛ ҚОРЫТЫНДЫЛАНДЫ
Биылғы жыл ел Тәуелсіздігінің 30 жылдығымен есте қалды. Егемендіктің үш он жылдығында аймағымыз толайым табыстарға қол жеткізді. Осы орайда, жарқын жетістіктер мен нәтижелі еңбекті мадақтап, қолдау мақсатында Қызылорда облыстық білім басқармасымен бірлескен салатанатты шара болып өтті.
Жиында білім саласының ардагерлері, «Жыл үздіктері», білім беру саласындағы нәтижелі еңбегі және білім беру ұйымында ұжымын толық жүктемемен қамтыған әлеуметтік әріптестеріміз бен майталман ұстаздарымыз марапат төріне шықты.
Қазақстан Республикасы Білім және ғылым министрлігінің «Ы.Алтынсарин» төсбелгісімен – Серікбаев Ғани Карбозұлы, Айтимова Райхан Кенжебайқызы.
Қазақстан Республикасы Білім және ғылым министрлігінің «Білімберу ісінің құрметті қызметкері» төсбелгісімен – Сыздықова Жанна Құрмантайқызы марапатталды.
Қатысушыларға, ҚР Кәсіподақтар Федерациясының «Кәсіподақ ардагері» төсбелгісі, «Білім және ғылым қызметкерлерінің кәсіподағына сіңірген айрықша еңбегі үшін» белгісі, «Қызылорда облысының білім беру саласын дамытудағы еңбегі үшін жергілікті ерекшелік белгісі» Қазақстан салалық білім және ғылым қызметкерлерінің кәсіптік одағының Құрмет грамотасы табыс етілді.
Сонымен қатар, басқарма басшысы Қасымова Ақзира Бақтыбайқызы және комитет төрағасы Гүлнар Бабабекқызы республикалық байқау жүлдегерлеріне арналған «Жыл үздігі» және жыл қорытындысы бойынша «Білім жанашыры», «Жыл жаңалығы», «Қуатты қалам», «Жаңалық жаршысы», «Білім шыңы», «Зерделі зейін», «Ақпарат үздігі» арнайы номинацияларын табыс етті.
Үздік білім ошақтарына тоқталар болсақ,«Үздік әлеуметтік әріптес» номинациясымен – Арал ауданы З.Шүкіров атындағы № 20 орта мектебі, Қазалы ауданы №170 орта мектебі, Қармақшы ауданы №272 орта мектебі, Сырдария ауданы № 210 орта мектебі, Шиелі ауданы М.Ломоносов атындағы №47 мектеп-лицейі, Жаңақорған ауданы №184 негізгі орта мектебі, Қызылорда қаласы Т.Жүргенов атындағы №136 мектеп-лицейі, И.Әбдікәрімов атындағы Қызылорда аграрлы-техникалық колледжі марапатталды.
«Үздік идеялар жаршысы» номинациясымен - Арал ауданы Т.Шевченко атындағы №13 орта мектебі, Қазалы ауданы Е.Бозғұлов атындағы №249 мектеп-лицейі, Қармақшы ауданы №277 мектеп-лицейі, Жалағаш ауданы Т.Жүргенов атындағы №123 мектеп-лицейі, Сырдария ауданы №44 орта мектебі, Шиелі ауданы Ш.Есенов атындағы №153 мектеп-лицейі, Жаңақорған ауданы №162 жалпы орта мектебі, Қызылорда қаласы Ә.Мүслімов атындағы №101 мектеп-лицейі, Қызылорда қаласы С.Толыбеков атындағы №3 IT мектеп- лицейі, М.Мәметова атындағы Қызылорда педагогикалық жоғары колледжі, Е.Әуелбеков атындағы №4 облыстық мектеп-интернаты, Қызылорда қалалық қосымша білім беру орталығы марапатталды.
«Үздік ұйымшыл ұйым» номинациясымен – Арал ауданы № 61 орта мектебі, Қазалы ауданы №21 «Алпамыс» бөбекжай-бақшасы, Қармақшы ауданы Т.Көмекбаев атындағы №250 мектеп-лицей, Жалағаш ауданы Ш.Ермағанбетова атындағы №246 орта мектеп, Шиелі ауданы Ш.Уалиханов атындағы №127 мектеп-лицей, Жаңақорған ауданы «Раушан» бөбекжай-бақшасы, №5 көру қабілеті бұзылған балалардың арнайы (түзету) мектеп-интернаты, Қызылорда қаласы «Шағбан» балабақшасы марапатталды.
Барша марапат иелерін шын жүректен құттықтаймыз. Әрқашан мерейлеріңіз үстем болсын!
Қызылорда облыстық білім және ғылым қызметкерлері кәсіподақ ұйымы
