ҰСТАЗДАРҒА МЕРЕКЕЛІК МАРАПАТ
Тәуелсіздік – ең қастерлі де қасиетті құндылығымыз. Қазақстанның Тұңғыш Президенті, Елбасы Нұрсұлтан Назарбаевтың ағымдағы жылдың 6 желтоқсан күні жариялаған «Тәуелсіздік тағылымы» атты мақаласында еліміздің мемлекеттің мерейін асырған осы құндылық хақында, мәңгілік мұрат-мақсаттарымыз бен бүгінгі міндеттеріміз туралы мәнді ой өргізген.
Елбасымыздың бастамасымен «Педагог мәртебесі туралы» Заңының қабылдануы да білім саласы қызметкерлерінің құқықтарын, әлеуметтік қорғалуын қамтамасыз етумен бірге, еліміздің бүкіл ұстаздар қауымының мәртебесін көтеруге, ұстаз деген ардақты аттың абыройын арттыруға қызмет ететіні айтпасада түсінікті.
Міне, осының айғағындай бүгін Кәсіподақтар үйінде «Атырау облысы Кәсіподақтар орталығы» аумақтық кәсіподақтар бірлестігінің төрағасы, облыстық мәслихаттың депутаты І.Ұ. Баймұханов айтулы мерекеге орай бір топ кәсіподақ белсенділерін марапаттады. Атап айтқанда, Атырау облыстық дарынды балаларға арналған интернаттық мекемесі бар ұлттық гимназия мұғалімі Жұмабаева Айгүль Сүюғалиқызы, Индер ауданы «Балапан» бөбекжай-бақшасының орыс тілі пәнінің мұғалімі Қалидуллина Салтанат Мубинқызы Атырау облысы әкімінің Алғыс хатымен, ал Қ.Дүтпаева атындағы гуманитарлық колледждің бастауыш кәсіподақ ұйымының төрайымы Өтемісова Айнұр Мұхамбетжанқызы және Атырау облыстық дарынды балаларға арналған ұлттық гимназия мұғалімі Жолдасова Эльмира Сарсембайқызы облыс мәслихатының Алғыс хатымен марапатталды.
Мерекелік марапаттарыңыз құтты болсын, қадірлі ұстаздар!
