ТӘУЕЛСІЗДІК ҚҰРДАСТАРЫ
«Т.Жароков атындағы ЖОББ мектебі» КММ әкімшілік алқасы мен кәсіподақ комитетінің ұйымдастыруымен өткен «Тұғырлы Тәуелсіздік» атты мерекелік шарасы 1991 жылы дүниеге келген Тәуелсіз еліміздің төл құрдастары - жас ұстаздарға және сол жылы жоғары оқу орнын бітіріп ұстаздық еңбек жолын алғаш бастаған, қазіргі таңда еңбегімен еленіп жүрген тәжірибелі ұстаздарға арналды.
Тәуелсіздіктің бесігінде тербеліп, еркіндіктің бал дәмін татқан, болашаққа сеніммен қарайтын егемен елдің ұрпақтарының жыр шашуы мен сахналық көрінісі ұжым мүшелерін тебірентіп жіберді.
1986 жыл. Орталық алаң. Жастар шеруі. Мұның бәрі еркіндікті аңсаған, Тәуелсіздікті армандаған елдің аманаты еді. Осындай көріністі сомдаған жас ұстаздар әр жүрекке Тәуелсіздіктің оңайлықпен келмегенін жеткізіп, көзге жас келтірді.
Одан әрі 30 жылдық жетістіктер аталып, електен өткен еселі еңбектер жырға қосылды. Тәуелсіздіміз тұғырлы, еліміз еңселі, ұрпақтарымыз саламатты да салауатты болғай деген тілектерге ұласқан шара соңында кәсіподақ тарапынан құттықтаулар мен сыйлықтар табысталды.
Г. Хаирлиева,
Жәнібек аудандық "Т.Жароков атындағы ЖОББ мектебі"
КММ бастауыш кәсіподақ ұйымының кәсіподақ төрайымы,БҚО
КММ бастауыш кәсіподақ ұйымының кәсіподақ төрайымы,БҚО
