СҮЙІНШІ!
Біздікілер - бірінші
Қуаныш еселенді. Үш күннен бері Жезқазған аймақтық білім және ғылым қызметкерлерінің жергілікті кәсіптік одағының белді мүшелерінің есімдері республикалық, облыстық сахналардан аталуда. Төраға Марат Қоңырбаев облыс әкімінің Jenis Qasymbek қабылдауында кеудесіне ЕРЕҢ ЕҢБЕГІ ҮШІН медалін тақса, Алматыда өткен "Тәуелсіздік - ел тұғыры" атты салтанатты шарада Қазақстан салалық білім және ғылым қызметкерлері кәсіподағының төрайымы Айгүл Мұқашева «Сала қызметкерлерінің кәсіподағына сіңірген АЙРЫҚША еңбегі үшін» төбелгісін тапсырды.
Жағымды жаңалықтар легі мұнымен толастамады. Кешқұрым Қарағанды облысынан ақжолтай хабар жетті. Қарағанды облысы білім басқармасының Гульсум Кожахметова дәстүрлі "ЖЫЛ МҰҒАЛІМІ" байқауында жеңіс тұғырынан көрінген үздіктердің алды - Жезқазған аймақтық білім және ғылым қызметкерлерінің жергілікті кәсіптік одағына қарасты қалалық/аудандық кәсіподақ ұйымдарының белсенділері. Атап айтқанда, "Жыл мұғалімі" байқауының бас жүлдесін Жезқазғандағы "Өркен" мамандандырылған мектеп-интернатының мұғалімі Динара ҚАПАРОВА жеңіп алса, жүлделі І орын Сәтбаев қаласының Абай атындағы #4 мектеп-лицейдің мұғалімі Айнұр СӘРСЕНОВАға, жүлделі ІІ орынды Шет ауданындағы Ж.Ақылбаев атындағы мектеп-гимназияның мұғалімі Серікбол ТӘЖІБЕКОВке бұйырды.
Сонымен бірге, облыстық байқауда бақ сынаған ең жас ұстаз ұлытаулық Маржан АХАНОВА "Үздік сабақ" номинациясында жеңімпаз болса, Балқаш қаласының намысын қорғаған Саят ШАКЕЕВ Р.Төребеков атындағы гранттың иегері атанды.
Еліміздің жарқын болашағын қалыптастыратын мәртебелі мамандық иелерін марапаттарымен шын жүректен құттықтаймыз. Абыройларыңыз артып, беделдеріңіз биіктей берсін.
Жезқазған аймақтық білім және ғылым қызметкерлерінің
жергілікті кәсіптік одағы баспасөз қызметі
жергілікті кәсіптік одағы баспасөз қызметі
