Аумақтық ұйымдардың жаңалықтары

«Қазақстандық салалық білім және ғылым қызметкерлері кәсіптік одағының Батыс Қазақстан облыстық ұйымы» қоғамдық бірлестігі Казталов аудандық комитеті – филиалы аудандық білім беру бөлімімен бірлесіп «Тәуелсіздік және Мен» тақырыбында білім саласында қызмет атқарып жүрген Тәуелсіздік құрдастарымен кездесу кешін ұйымдастырды.

Атаулы шараға аудан әкімі А.Есалиев, аудандық білім беру бөлімінің басшысы С.Джангереева , аудандыө кәсіподақ төрайымы А.Кенжегалиева қатысты.

Мерекелік шара 3 бөлімнен тұрды: 1 бөлім «Мен және Қазақстан» Тәуелсізік құрдастары көрмесімен танысу; 2 бөлім «Тәуелсіздік және Мен» сыр сұхбат; 3 бөлім«Тәуелсіздік құрдастарының тартуы»қонақ кәдесі.

Шара «Мен және Қазақстан» Тәуелсізік құрдастары көрмесінің таныстырылымен басталды. Оған он саусағынан өнер тамған жас мамандар өз қолымен жасалған бұйымдарын әкеліпті. Келесі бөлімде «Тәуелсіздік және Мен» сыр сұхбаты ұйымдастырылды. Кездесу барысында «Тәуелсіздік құндылықтарын қалай түсінесіздер?», «Балалық шақтарыңыз қалай өтті, мектеп қабырғасында жүрген кезде Тәуелсіздік құрдасы екендеріңізді сезіндіңіздер ме?»,«Орда бұзар жасыңызда алға қойған қандай жоспар, мақсатыңыз бар?»,«Ұстазға біліктілік пен шеберліктен басқа тағы қандай қасиеттер қажет?»,«Қалай ойлайсыздар, ұстаз неден сақ болуы керек, неге жақ болуы керек?» деген және басқа да сауалдарға жауап беріп, өзін бүгінгі талап деңгейінен шыға білетін, болашағынан үлкен үміт күттіретін жастар екендігін көрсетті.

Жастар өз салаларын дамытуға бағытталған ойларын ашық айтып, кейбір келелі мәселелерді оңтайлы шешуге ұсыныстарын жеткізді. Осындай іс-шаралардың бүгінгі жастар үшін маңызы ерекше екендігін айтқан аудан әкімі тәуелсіздік құдастарына алғысын білдіріп, белсенді жастар мақсат-мүдде, жоспарларымен бөлісті.

Кездесу сонында барлық тәуелсіздік құрдастарына аудандық кәсіподақ ұйымы атынан естелік сыйлықтар табысталды.

«Қазақстандық салалық білім және ғылым қызметкерлері кәсіптік
одағының Батыс Қазақстан облыстық ұйымы» ҚБ баспасөз қызметі