БАСКЕТБОЛДАН ЖАРЫС ТӘУЕЛСІЗДІКТІҢ МЕРЕЙТОЙЫНА АРНАЛДЫ
Шығыс Қазақстан облысы Зайсан қаласында Қазақстан Республикасы Тәуелсіздігінің 30 жылдығы мерейтойына орай Зайсан аудандық білім беру қызметкерлерінің кәсіподақ ұйымының ұйымдастыруымен кәсіподақ мүшелері арасында баскетболдан жарыс өтті. Жарысқа бастауыш кәсіподақ ұйымдарынан 12 команда қатысты.
Аудандық кәсіподақ ұйымының төрағасы Сайранов Қабиолда Ергедікұлы жарыс қорытындысы бойынша жеңімпаз командаларға ақшалай сыйлықтар мен кубоктар табыс етті.
1 орынды – «Сартерек орта мектебі» КММ-нің командасы, 2 орынды – «Жарсу орта мектебі» КММ-нің командасы, 3 орынды – «Балалар мен жасөспірімдер спорт мектебі» КММ-нің командасы иеленсе, «Жеңіске деген құштарлығы үшін», 4 орынды – «Қаратал орта мектебі» КММ командасы жеңіп алды.
Сонымен қатар барлық қатысқан командаларға мектептеріне естелік ретінде картиналар табысталды.
Қ.Мусина,
Аудандық атқару комитетінің мүшесі,ШҚО
