«БАЛБҰЛАҚ» БАЛАБАҚШАСЫНА 35 ЖЫЛ
Жаңа заман баласы ертеңгі еліміздің болашағы. Тәрбие мен білім – егіз. Мектеп жасына дейінгі балаларды дамыту мәселесі мемлекеттік саясаттың ажырамас бөлігі болып отыр.
Егемен еліміздің талабына сай мектепке дейінгі тәрбие мен білім беру, қазіргі заманға сай білімді де тәрбиелі ұрпақ тәрбиелеу – білімді, жан-жақты тәрбиешілердің еншісінде екендігі белгілі. Балдырған баланың ең алғашқы қадамы балабақшадан басталады.
Ақтау қаласындағы №46 «Балбұлақ» балабақшасының ашылғанына 35-жыл. Заманауи үлгідегі балабақшада балаларға үздіксіз білім беруге барлық жағдай қарастырылған.
Балабақшаның мерейтойына арналған мерекелік шарада ұйым тарихына шолу жасалып қала, облыс, республика көлемінде жеткен жетістіктері аталып, қызметкерлері қалалық білім бөлімі, «Өрлеу» Біліктілікті арттыру Ұлттық орталығының филиалы, Маңғыстау облысы бойынша Педагогикалық қызметкерлерінің біліктілігін арттыру институты және Маңғыстау облыстық кәсіподақ ұйымы, Ақтау қалалық кәсіподақ ұйымының «Құрмет грамота» және«Алғыс хаттарымен» марапатталды.
Мерейтойға орай балабақша ұжымын Ақтау қалалық білім қызметкерлері кәсіподақ ұйымының төрайымы К.Еңсегенова құттықтады. Ол балабақшаның шығармашыл кәсіби білікті мамандарының іскерлігі арқасында өңірдің алдыңғы қатарлы ұйымына айналғанын, сонымен қатар кәсіподақ қозғалысының дамуына өз үлесін қосып жүрген бастауыш кәсіподақ ұйымының төрайымы О. Корнееваның еңбегін айрықша айтты. 2021 жылы «Үздік бастауыш кәсіподақ ұйымы» байқауынан республика бойынша 1- орынды иеленуі ұжым үшін үлкен жетістік екенін тілге тиек етті. Сөз соңында қатысушылар жылы лебіздерін білдіріп, ұжымға толағайтар табыс тіледі.
К.Еңсегенова,
Маңғыстау облыстық кәсіподақ ұйымының
Ақтау қалалық филиалының төрайымы
