САРЫАҒАШТАҒЫ САЛА ЖЕТЕКШІЛЕРІМЕН КЕЗДЕСУ
Қазақстандық салалық білім және ғылым қызметкерлері кәсіподағының Түркістан облыстық ұйымының төрағасы Сарыағаш ауданы білім беру ұйымдарының басшыларымен кездесті
Мұғалім – мамандық. Ал, ұстаздық - ұлы қасиет. Сарыағаш ауданындағы мектеп басшыларымен және кәсіподақ комитеттерінің төрағаларымен кездесу барысында Жандос Шайдулла ұйым тарапынан бірқатар іс-шаралар атқарылып жатқанын атап өтіп, барлық мектеп басшыларын ұстаздардың мүддесін қорғаудың және жұмыс жағдайын ілгерілету бағыт-бағдарымен таныстырудың маңызы зор екенін алға тартты. Сала жетекшілерінің көкейде жүрген сауалдарына жауаптар беріп, ұсыныстарын тыңдады.
Ж.Шайлулла кездесу соңында ұлағатты ұрпақ тәрбиелеу – аса жауапты әрі күрделі міндет екенін, сындарлы сәтте ешбір қиындыққа мойымай, балаларға үздіксіз, сапалы білім беруде педагогтардың еңбегін ерекше атап өтіп, әріптестерін Қазақстан Республикасы Тәуелсіздігінің 30 жылдық мерейтойымен құттықтады.
Сарығаш ауданында ұстаздық ұлы жолды мұрат еткен, шәкірт тәрбиелеуде елеулі еңбек сіңіріп, педагогика саласына өлшеусіз үлес қосқан ұстаздарға алғыс білдіріп, еңбектеріне табыс тіледі.
