СТРИТБОЛДАН СТУДЕНТТЕР АРАСЫНДАҒЫ ЖАРЫС
2021 жылдың 23-24 қараша күндері Дене тәрбиесі мен спортты бұқаралық сипатта одан әрі дамыту, техникалық және кәсіптік білім беру ұйымдары оқушылары арасында отансүйгіштік сезімді қалыптастыру, салауатты өмір салтын насихаттау, жастарды спортпен тұрақты шұғылдануға тарту мақсатында Салалық білім және ғылым қызметкерлері кәсіптік одағының Маңғыстау облыстық ұйымының бастамасымен Қазақстан Республикасы Тәуелсіздігінің 30 жылдығына арналған техникалық және кәсіптік білім беру ұйымдары студенттері арасында стритболдан жарыс ұйымдастырылды.
Облыстық жарыс Ақтау қаласындағы Мұрын жырау Сеңгірбекұлы атындағы Маңғыстау гуманитарлық колледжінің спорт залында өтті.
Жарысқа, «Маңғыстау энергетикалық колледжі, Каспий өңірі «Болашақ» колледжі, Мұрын жырау Сеңгірбекұлы атындағы Маңғыстау гуманитарлық колледжі, «Жаңаөзен қаласы қызмет көрсету және жаңа технологиялар колледжі», «Ақтау технологиялық қызмет көрсету колледжі» құрама командалары қатысты.
Жарысқа қатысушы студент жастарға Маңғыстау облыстық кәсіподақ ұйымының төрайымы Тарбия Анайбекқызы сөз сөйлеп, сәттілік тіледі. Жарыс жоғары деңгейде, спорт зал тазалығы қатаң гигиеналық талаптарға сай болды. Сайыс Көше баскетбол қауымдастығының классикалық ережелеріне сәйкес өткізілді.
Маңғыстау облысының техникалық және кәсіптік білім беру ұйымдары студенттері (ұлдар) арасында стритбол 3 х 3 жарысының қорытындысында:
І орынға - Мұрын жырау Сеңгірбекұлы атындағы Маңғыстау гуманитарлық колледжі;
ІІ орынға – «Ақтау технологиялық қызмет көрсету колледжі»;
ІІІ орынға- «Маңғыстау энергетикалық колледжі» ие болды.
Маңғыстау облысының техникалық және кәсіптік білім беру ұйымдары студенттері (қыздар) арасында стритбол 3 х 3 жарысының қорытындысында:
І орынға - Мұрын жырау Сеңгірбекұлы атындағы Маңғыстау гуманитарлық колледжі;
ІІ орынға – «Ақтау технологиялық қызмет көрсету колледжі»;
ІІІ орынға- «Маңғыстау энергетикалық колледжі» ие болды. Жарыс жеңімпаздары кубок, медаль, арнайы жүлделі Дипломдармен марапаттталды.
«Қазақстандық салалық білім және ғылым қызметкерлері
кәсіптік одағының Маңғыстау облыстық ұйымы» ҚБ
кәсіптік одағының Маңғыстау облыстық ұйымы» ҚБ
